HATAW! D'yaryo ng Bayan hatawtabloid.com
I-FLEX
ni Jun Nardo
NAPANOOD si Ai Ai de las Alas ng dating asawang singer na si Miguel Vera nang magkaroon ang una ng show sa Amerika para sa GMA Pinoy TV.
“Eh na-miss niya raw mag-show. Inalok niya ako. ‘Halika Mamey, show tayo!’ ‘Go!’” sabi ni Ai Ai nang makausap ng press.
“First time uli naming magsasama sa buong buhay namin. First time magkasama sa show,” dagdag ng Comedy Queen.
Taong 1998 nang maghiwalay sina Ai Ai at Miguel. Naging guest sila sa isang show pero ngayon lang sila magsasama sa isang back to back show. May sari-sarili na silang asawa.
Sa January 21, 2023 pa ang show nina Ai Ai at Miguel na may title na Ang Dating Kami na gagawin sa Civic Center sa Bellflower, California.
Bumalik din sa bansa ang Comedy Queen para sa taping ng bagong season ng GMA’ s singing competition na The Clash.
Simpleng selebrasyon niya ng Pasko ang magaganap sa Amerika kasama ang anak at asawang si Gerald Sibayan.
