HATAW! D'yaryo ng Bayan hatawtabloid.com
NALAMBAT ang dalawang wanted persons sa magkahiwalay na manhunt operation kaugnay ng SAFE NCRPO sa Navotas City.
Ayon kay Navotas City police chief P/Col. Dexter Ollaging, dakong 2:20 ng hapon nang magsagawa ang mga operatiba ng Station Intelligence Section (SIS) ng Navotas police sa ilalim ng pangangasiwa ni P/Lt. Luis Rufo, Jr., ng manhunt operation sa M. Naval St., Brgy. Sipac Almacen na nagresulta sa pagkakaaresto kay Merlon Casaje, 47 anyos, isang electrician ng R. Domingo St., Brgy. Tangos North.
Si Casaje ay dinakip sa bisa ng warrant of arrest na inisyu noong 2 October 2013 ni Judge Job Mangente ng Branch 54, Navotas City sa kasong Attempted Homicide na may inirekomendang piyansang P12,000 para sa kanyang pansamantalang kalayaan.
Nauna rito, dakong 5:10 pm nang madakip ng mga operatiba ng Warrant and Subpoena Section (WSS) at Sub-Station 2 sa joint One Time Big Time (OTBT) operation si Robinson Ramirez, 31 anyos, sa kanyang bahay sa INT. F. Pascual St., Brgy. Tangos South.
Si Ramirez ay inaresto sa bisa ng warrant of arrest na inisyu ni Judge Zaldy B. Docena ng Branch 170, Malabon City, may petsang 8 Nobyembre 2021 para sa kasong Qualified Theft. (ROMMEL SALES)
