SHOWBIZ KONEK
ni Maricris Valdez Nicasio
LUMALALIM tulad ng nangyari sa ginagampanan nilang karakter sa nagtapos na teleserye nina Kathryn Bernardo at Daniel Padilla, ang 2 Good To Be True, ang pagtitinginan nina Yves Flores at Gillian Vicencio.
Ito ang inamin ng Kapamilya actor na si Yves na sa totoo lang, marami pala ang kinikilig sa kanila kasama na kami.
Kaya naman marami ang nagtatanong at naiintriga kung ano ang relasyon nila – friends ba o lovers na? Kasi naman iba talaga ang kilig nina Red at Tox.
“Tinatanong kasi ng mga tao lalo na sa set namin, inaasar kaming dalawa, kung ano nangyari, kung may chance ba (magkaroon ng relasyon)?
“Lagi kaming inaasar na dalawa. Pati sina Ate Gelli (de Belen), si Kathryn (Bernardo). Tinatanong kami, ano ba ang mayroon sa inyo parang may something,” ani Yves sa interbyu ng Inside News ng Star Magic.
“Sabi ko ‘Gil, may something ba?’ Pati mga kaibigan namin tinanong kami. Siguro nadadala sa eksena, napapanood o lagi kaming magkasama. ‘Yun ang laging tanong sa amin.
“Ang sinabi ni Gil, magkaibigan kami. So parang lumalim na rin ‘yung relationship namin. Pero wala kami sa ganoon (BF-GF), alam mo ‘yung hindi namin iniisip na magka-something kami o anuman.
“Pero ang sabi ko parang tini-treasure namin kung anong relationship mayroon kami ngayon. Well sabi nga namin hindi mo alam ang mangyayari.
“Ayaw mo rin magbitaw ng salita na ayaw mo o kaya gusto mo. Okay kami. Siguro kung magkaroon man ng ganoon, bonus na lang. Pero as magkaibigan ay masaya kaming dalawa,” giit ng aktor.
