Monday , August 8 2022
Rene Mark Cuarto

Cuarto talo kay Valladeres via split decision

NAYARI ang koronang hawak ni Rene Mark Cuarto ng Pilipinas  nang talunin siya ni Mexican challenger Daniel Valladares para sa Internatinal Boxing Federation (IBF) minimumweight belt sa isang dikitang laban noong Sabado sa Monterrey, Nuevo Leon, Mexico.

Katulad ng inaasahan, lamang ang local boxer sa kanilang teritoryo nang ibigay sa kanya  ng dalawang hurado ang kalamangan  116-11 at 115-112 , samantalang ang isa naman ay ibinigay kay Cuarto ang iskor na 114-113.

Sinimulan ni Valladares ang laban nang may lakas at pagpupursige na lamangan agad sa puntos ang kampeon.

Uminit ang laban ng dalawa sa mga sumunod na round na nakapalitan sila ng mga solido at matitinding kombinasyon.

Sa  pagpapatuloy ng  round ay nakapagpatama ang beinte-singko anyos na si Cuarto ng solidong kanan.   Sa 4th round ay disgrasyang nagka-untugan ang dalawa na naging sanhi para magkaroon ng putok sa ulo ang challenger.

Hindi naging sagabal iyon kay Valladares para kontrolin ang laban sa sumunod na tatlong rounds.  Pero gumanti si Cuarto sa round eight  at nagpakawala ng matitinding kombinasyon.

Sa 10th round ay nabawasan ng puntos ang Pinoy boxer dahil sa patuloy na warning ng reperi sa kumalas na tape sa gloves na hindi agad naremedyuhan ng kanyang korner.

Malakas na tinapos ni Valladares ang 12th at final round  para ma-impres ang mga hurado.

Sa panalo ng Mexican fighter, nag-imprub ang kanyang ring record sa  26-3-1, 15 KOs, samantalang si Cuarto ay sumemplang sa 20-3-2, 11 KOs.

Nakakalungkot man isipin, sa pagkatalo ni Cuarto,   ang Pilipinas ay meron na lang isang  world champion  sa katauhan ni WBC featherweight Mark Magsayo.

Idedepensa ni Magsayo ang kanyang korona sa July 9 sa San Antonio, Texas kontra kay Rey Vargas ng Mexico.

About hataw tabloid

Check Also

Dave Apolinario

Gideon Buthelezi tulog sa 1st round kay Pinoy prospect Dave Apolinario

IMPRESIBO ang ipinakita ni Filipino prospect Dave Apolinario nang patulugin niya sa 1st round ang dating …

Marlon Bernardino Avocadoria FIDE Rated Rapid Chess Tournament

NM Bernardino nagkampeon sa 1st  Ever Avocadoria FIDE Rated Rapid Chess Tournament

MARIKINA CITY—Tumapos si last-minute entry National Master Almario Marlon Quiroz Bernardino Jr. sa 11-Round tournament, …

3x3 Wheelchair Basketball ASEAN Para Games

PH cagers tinalo ang Indons sa 3×3 Wheelchair Basketball

SURAKARTA, Indonesia – Inasahan si Alfie Cabanog sa inside game para talunin ng Team Philippines …

Buenaflor Cruz ASEAN Para Games Go for Gold

Hamon ni Buenaflor Cruz sa Pinoy bets “Go for Gold”

SURAKARTA, Indonesia – “Let’s go for the  gold!” ito ang hamon ni Buenaflor Cruz, ang …

MPBL OKBet Bacolod

Laro ng MPBL sa Bacolod City kinagiliwan ng manonood

TULAD ng pangako ng OKBet – nangungunang Pinoy gaming platform sa bansa – mas kinagiliwan …