Saturday , June 10 2023

Ariella umaariba sa pagpapa-sexy; kapwa beauty queen ikagugulat ang Breathe Again

TINIYAK ni Ariella Arida na ikasa-shock ng mga kapwa niya beauty queen ang mga ipinagawa sa kanya ni Direk Raffy Francisco sa pelikulang handog ng Viva Films, ang Breathe Again.

Ayaw man idetalye ng dating beauty queen kung ano-ano ang mga maiinit at maseselang eksena na ginawa niya sa sexy-drama movie na mapapanood sa Vivamax sa June 3 sinabi nitong tiyak na kagigiliwan ang kanilang mga underwater scenes.

Kinunan ito sa Anilao, Mabini, Batangas. “Ang sarap mag-shooting na ganoon ‘yung location. Iba ‘yung naibibigay na vibe ng dagat, mas chillax.

“Noong ipinitch sa akin ‘yung karakter, tapos free diver ako, I’m super excited kasi it’s something that I want to try too. But we really, really had some trainings, me and Tony together to do free diving.

“Akala ko, personally, it would be easy na parang makikita ng tao na parang sisisid ka lang sa swimming pool, sisisid ka lang sa malalim.

“Pero kailangan mo rin ng techniques especially kung as a role. Hindi siya basta-basta ginagawa without any proper training.

“Kaya ako, na-enjoy ko rin po kasi nagkaroon din ako ng free course sa free diving,” masayang kuwento ni Ariella.

Maituturing namang advocacy movie ang Breathe Again dahil sa ilang eksena na nagpapaalala sa publiko kung paano ang tamang pag-aalaga sa kalikasan.

“Makikita natin ‘yung mga anggulo na kagustuhan niya sa karagatan and caring for the environment so all of these are encapsulated in the sport of free diving.

“Ang ganda kasi ng karagatan ng Pilipinas if you only get to see it wow!” ani Direk Raffy.

Samantala, ang Breathe Again ang unang full length movie ni Raffy na kilala bilang direktor ng mga TV commercial. Siya mismo ay mahilig sa dagat at ito ay makikita sa kanyang mga kuhang litrato.

Hindi na rin bago kay Miss Universe Philippines (2013) ang paggawa ng mga maseselang eksena matapos maging bahagi ng mga pelikulang tulad ng Sarap Mong Patayin at More Than Blue.

Abangan kung gaano kainit ang kanyang eksena kasama si Tony Labrusca. Ito ang unang pelikula ni Labrusca sa Viva matapos ang dalawang taon. Bumida siya sa Hindi Tayo Pwede noong 2020.

About Maricris Valdez Nicasio

Check Also

Angelica Jones

Angelica relate sa role sa Tadhana’s “reunion”; balik-eskuwela

ALAM MO NA!ni Nonie Nicasio Pambubully at paghihiganti ang pinag-uusapang kuwento sa pagbabalik-telebisyon ng politician/actress …

Michelle Lusung Rhea Tan Carlo Aquino Beautederm Sm North EDSA

Michelle Lusung tiwala sa Beautederm at kay Ms. Rhea Tan, thankful sa 4th branch sa SM North EDSA

ALAM MO NA!ni Nonie Nicasio LAST week ay binuksan ang fourth Beautederm store ng husband …

Aileen Choi Go Kim Chiu Megasoft

Kim tambay ng Padre Pio Church nang magkasakit ang kapatid

RATED Rni Rommel Gonzales ANG pagiging deboto ni Kim Chiu kay Santo Padre Pio ng Pietrelcina ang isa sa …

Aljur Abrenica AJ Raval Philip Lipnica Lui Lipnica

Aljur at AJ umiwas magpa-interbyu

RATED Rni Rommel Gonzales SA pambihirang pagkakataon ay magkasamang dumalo sa isang public event ang …

VMX Bellas VMX V Viva Cafe

VMX Bellas at VMX V idea ni Boss Vic

REALITY BITESni Dominic Rea SA katatapos na Viva One app launch at 7 Million Subscribers celebration ng Vivamax ng Viva sa …