Saturday , May 28 2022
50-M vaccine doses vs COVID-19 naihatid ng Cebu Pacific

50-M vaccine doses vs COVID-19 naihatid ng Cebu Pacific

UMABOT sa higit 50 milyong doses ng bakuna kontra CoVid-19 ang naihatid na ng Cebu Pacific sa iba’t ibang lugar sa bansa, sa patuloy nitong pagsuporta sa pambansang kampanya ng pamahalaan na mabigyan ng primary vaccines ang mga bata at mga nakatatanda, at booster jabs para sa mga bakunadong indibidwal.

Simula noong Marso 2021, ligtas na naihatid ng Cebu Pacific ang mga bakuna sa 28 pangunahing lugar sa bansa kabilang ang Bacolod, Boracay, Bohol, Butuan, Cagayan de Oro, Cauayan, Cebu, Cotabato, Davao, Dipolog, Dumaguete, General Santos, Iloilo, Legazpi, Kalibo, Masbate, Naga, Ozamiz, Pagadian, Puerto Princesa, Roxas, San Jose, Siargao, Tacloban, Tuguegarao, Tawi-Tawi, Virac, at Zamboanga.

Nakatanggap ang Cagayan de Oro ng pinakamalaking bilang ng vaccine shipments, na may kabuuang 711,520 doses sa loob ng nakalipas na dalawang buwan, na sinundan ng Iloilo, Bacolod, Tacloban, at Legazpi.

“We are glad that Cebu Pacific continues to transport these much-needed vaccines safely. This enables us to get more Cagayanons inoculated to get the protection they need, whether first, second, or booster doses,” pahayag ni Cagayan de Oro Mayor Oscar Moreno.

Nakasailalim ang pagbibiyahe ng mga bakuna sa estriktong proseso upang matiyak ang bisa nito hanggang sa pagdating sa nakatalagang mga estasyon.

“We are committed to keep supporting the national immunization program through the safe and timely delivery of CoVid-19 vaccines across our widest domestic network,” ani Alex Reyes, Chief Strategy Officer ng Cebu Pacific.

Naabot na ng Cebu Pacific ang 100% vaccination rate para sa kanilang aktibong flying crew sa pmamagitan ng sariling employee vaccination program na JG Summit COVID Protect, at pakikipagtulungan sa mga local government units sa bansa.

Gayondin, sinimulan ng Cebu Pacific ang kanilang booster program upang matiyak na mananatiling ligtas ang kanilang mga empleyado at mga pasahero sa lahat ng flight.

Ang Cebu Pacific ay may gradong 7/7 stars mula sa airlineratings.com para sa CoVid-19 compliance dahil sa patuloy nitong pagpapatupad ng multi-layered approach para sa kaligtasan na naaayon sa global aviation standards.

Ang Cebu Pacific ang may pinakamalawak na domestic network sa bansa na mayroong 31 destinasyon, kabilang ang 15 nitong biyaheng internasyonal.

Isa sa pinakabata sa buong mundo, kabilang sa 74-strong fleet nito ang dalawang ATR freighter. (KARLA OROZCO)

About Karla Lorena Orozco

Check Also

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …