UMABOT na sa kabuuang 11,575 batang edad 5-11 anyos ang naturukan ng bakuna kontra CoVid-19.
Ayon sa Las Piñas City Health Office (LPCHO), ang naturang bilang ng nasabing mga bata ay naturukan ng first dose kontra CoVid-19, patunay na tinatangkilik ang toy carnival at Safari inspired vaccination para sa nasabing age group sa lungsod.
Pinuri at pinasalamatan din ng LGU ang mga medical frontliners para sa kanilang serbisyo at pamamaraan sa mga bakunahan para sa maayos na sistema sa vaccination roll-out sa lungsod.
Nanawagan ang LGU na panatilihin ang pagiging child-friendly upang mas mahikayat ang mga batang magpabakuna at mapabilis ang pag-abot sa bilang ng target na mabakunahan. (GINA GARCIA)
