Saturday , May 28 2022
Marawi
Marawi

Marawi Compensation Bill dapat ipasa bago bumaba si PRRD sa Hunyo — Bistek

NANAWAGAN si dating Quezon City mayor at tumatakbo ngayong senador na si Herbert “Bistek” Bautista sa Malacañang at sa Kamara na ipasa na ang Marawi Compensation Bill para matulungang makabalik sa normal na pamumuhay ang 300,000 Maranao at iba pang katutubo sa Marawi City na napilitang lumikas sa kasagsagan ng Marawi siege.

Halos limang taon na ang nakararaan nang kubkubin ng ekstremistang grupong Islamic state ang Marawi City.

Naging madugo ang naging bakbakan sa pagitan ng mga puwersa ng gobyerno at miyembro ng Islamic state na nagbunga ng pagkawasak ng buong lungsod.

Ani bautista, dapat madaliin ang naturang panukalang batas para maibigay ang nararapat na tulong sa mga biktima ng Marawi siege.

Aniya, marami pa rin sa kanila ang nagtitiis na tumira sa mga barong-barong o nakikisilong sa kanilang mga kamag-anak.

Isa namang magandang balita ang pagkakapasa ng Senate Bill 2420 sa ikatlo at huling pagbasa, umaasa si Bautista na magsisimula sa lalong madaling panahon ang pagtalakay nito sa Bicameral conference committee para mapirmahan ni Pangulong Duterte.

Ayon kay Bautista, kapag naipasa na, ito ang magiging pamanang batas ng ika-18 Kongreso at ni Pangulong Duterte mismo sa mga Maranao at iba pang Muslim sa lungsod ng Marawi.

Todo ang suporta ni Bautista sa naturang panukalang batas bunsod ng nakamit na pakikiisa at suporta mula sa Muslim vommunity nang siya ay alkalde ng Quezon City at naging tagapangulo ng Regional Peace and Order Council sa National Capital Region.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …