Tuesday , July 16 2024
Jillian Ward Miggs Cuaderno Elijah Alejo

Miggs Cuaderno kaliwa’t kanan ang projects, tiniyak na kaabang-abang ang Prima Donnas-2

ALAM MO NA!
ni Nonie Nicasio

ANG talented at award-winning na teen actor na si Miggs Cuaderno ay patuloy sa paghataw ang career. Sa ngayon, bukod sa Prima Donnas Book-2, sunod-sunod ang proyekto ng dating child star.

Mapapanood si Miggs sa pelikulang Deception na palabas na ngayong January 28 sa Vivamax Original Movie mula kay Direk Joel Lamangan. Ito ay isang drama-mystery film na pinagbibidahan nina Claudine Barretto at Mark Anthony Fernandez.

Gumaganap dito si Miggs bilang anak nina Claudine at Mark Anthony.

Nabaggit niya ang iba pang dapat abangan sa kanya. “Aside po sa Prima Donnas, palabas din po sa Februrary itong Regal Studio Presents: Yaya Mila, kasama ko po rito si Ms. Pokwang.

“Siyempre po, still streaming ang movie naming Magikland sa Netflix po. Kaya sa mga bata, if walang ginagawa, sana ay mapanood nila ito.”

Sa Book 2 ng Prima Donnas, ang mga kasama niyang batang aktres ay ang lalaki na ngayon, na tulad niya. Ano ang reaksiyon niya rito?

“Sa Prima Donnas Book 2, tama po kayo na malaki na po kaming lahat, pero kapag nagkakasama-sama kami, parang ganoon pa rin po at walang pagbabago.

“Kasi po, kahit hindi kami nagkikita-kita ay ganoon yata talaga ang tunay na magkakaibigan, parang walang nagbabago… kahit na matagal o sandali lang po kaming hindi nagkikita-kita. Ganoon pa rin po kami, close pa rin po kami sa isa’t isa talaga.”

Nabanggit din ni Miggs na nami-miss niya ang mga ginagawa nila noong naka-lock-in taping pa sa seryeng ito ng GMA-7.

Aniya, “Na-miss ko po ang mga kaibigan ko, lalo na sina Will Ashley… kasi sabay-sabay kami naggi-gym kapag hapon or gabi. Lalo na po kapag wala kaming taping that day, lagi po kaming naggi-gym para fit at iwas sa sakit.

“Nakaka-miss po yung sabay-sabay kaming bababa at kukuha ng food, kuwentuhan, tawanan… Sila Jillian Ward, Elijah Alejo, ate Eunice Lagusad, sila Will nakakatawa, kasama at kakuwentuhan. Sina Sofia Pablo, Althea Ablan, Allen Ansay, Vince Crisostomo, Julius Miguel, Bruce Roeland, nakaka-miss, kasi tinuturuan nila ako ng mga program para mas lalong lumaki ang aming mga muscles, bale mga gym buddies ko rin po sila.

“Iyan ang mga nakaka-miss sa kanila, pati ang pagti-Tiktok namin at mga walang katapusang kuwentuhan at tawanan,” masayang saad pa ni Migs.

May pagbabago bang makikita sa role niya rito?

“Opo, may pagbabago sa character ko rito, kaya sana po ay abangan nila si Coco,” matipid na saad pa ni Miggs.

Paano niya ide-describe ang Book 2 ng kanilang nagbabalik na serye?

Sagot niya, “Sa Prima Donnas Book 2, ipinapakita po ang pagiging malapit at isang pamilya, na kahit anong pagsubok ang dumating ay hindi masisira ng kahit anong pagsubok ang matatag na nagmamahalan na pamilya. At ipinapakita rin po rito ang mga mabubuong pagkakaibigan.”

Bukod sa mga young stars na ito, tampok din sa Prima Donnas sina Aiko Melendez, Katrina Halili, James Blanco, Benjie Paras, Sheryl Cruz, Chanda Romero, Angelika Santiago, at Wendell Ramos.

Ito’y mula sa pamamahala nina Direk Gina Alajar at Direk Philip Lazaro.

About Nonie Nicasio

Check Also

Billy Crawford

Hindi ako adik — Billy Crawford

MA at PAni Rommel Placente PAYAT ngayon si Billy Crawford. Sinasabi tuloy ng iba na gumagamit …

Pulang Araw 2

Official primer ng bagong show ng GMA nakakikilabot

RATED Rni Rommel Gonzales VIRAL na sa social media ang official primer ng most important …

Michelle Gumabao

Michelle gustong tutukan akting, hosting 

I-FLEXni Jun Nardo IPAGPAPATULOY ng volleyball player na si Michelle Gumabao ang naudlot niyang showbiz career nang …

Blind Gay Couple

Opisyal na babaero sinubasob si male starlet

ni Ed de Leon SINO nga ba iyang opisyal na malaki ang katawan at bilog ang tiyan, …

Pulang Araw

Bagong serye ng GMA ginamitan ng CGI

HATAWANni Ed de Leon MATAGAL na kaming hindi nanonood ng mga serye sa telebisyon. Nakakasawa …