Tuesday , March 19 2024
PNP QCPD

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations sa Quezon City, ayon sa ulat nitong Lunes.

Sa Masambong Police Station (PS 2) ng Quezon City Police District (QCPD), naaresto ang tatlong sugarol sa Ilagan St., Brgy. Paltok, habang tatlo rin ang nadakma ng Talipapa Police Station (PS 3) sa Sitio Ambuklao Mendez Road, Brgy. Baesa, QC.

Walo ang nahuli ng Novaliches Police Station (PS 4) sa San Luis St., Brgy. Gulod, Novaliches, habang tatlo ang nadampot ng Payatas Bagong Silangan Police Station (PS 13) sa Sitio Bakal, Brgy. Bagong Silangan.

Nakadakma rin ang Holy Spirit Police Station (PS 14) ng 10 sugarol sa MRB Compound, Brgy. Holy Spirit, at Dama De Noche St., Brgy. Holy Spirit, habang anim ang naaresto ng Criminal Investigation and Detection Unit (CIDU) sa Brgy. Kaligayahan, Novaliches, sa lungsod.

Ang mga naaresto ay pawang sangkot sa tupada o illegal cockfighting at nakompiskahan ng mga pansabong na manok at ilang perang pantaya.

Dinampot ng PS 3 habang naglalaro ng cara y cruz ang tatlo katao sa MP1 Sagasa GK Sitio Paji, Brgy. Baesa, habang lima ang nahuli ng PS 4 sa Old Cabuyao, Brgy. Sauyo, at tatlo pa sa Arayat St., Brgy. Nagkaisang Nayon, Novaliches.

Binitbit ng Pasong Putik Police Station (PS 16) ang tatlong nagsusugal din ng cara y cruz sa Agoncillo St., Magno II Subd., Brgy. Sta. Monica, Novaliches, na nakompiskahan ng cara coins at bet money.

Nakaaresto rin ang PS 4 ng walong nagsusugal ng Poker sa Old Cabuyao, Brgy. Sauyo, Novaliches, at kinompiska sa kanila ang playing cards, billiard balls, billiard cue sticks, at bet money.

Ang mga nadakip ay kakasuhan ng paglabag sa PD 1602 (Illegal Gambling) sa Quezon City Prosecutor’s Office.

“Tuloy-tuloy po ang ating anti-criminality operations, kasama rito ang pagsugpo ng illegal gambling para sa katahimikan at kaayusan ng ating Lungsod Quezon,” pahayag ni QCPD Director PBGen. Antonio Yarra. (ALMAR DANGUILAN)

About Almar Danguilan

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …