Thursday , July 25 2024
harassed hold hand rape

Nilasing muna
DALAGITA GINAHASA NG KAINUMAN

REHAS na bakal ang hinihimas ng isang mister matapos ireklamo ng panghihimas at pangga­gahasa sa isang 17- anyos dalagita na kanyang nilasing sa Navotas City, kahapon ng umaga.

Kulong ang suspek na si Edmar Santillices, 29-anyos, residente sa Medina St., Brgy. North Boulevard North (NBBN), may-ari ng isang computer shop na nahaharap sa kasong Rape in relation to R.A. 7610 o ang Special Protection Against Child Abuse, Exploitation, and Discrimination.

Batay sa reklamo ng 62-anyos lola ng Grade 12 na biktima, itinago sa pangalang Riza, matapos malaman ang pangyayari ay agad siyang nagtungo sa himpilan ng pulisya upang magreklamo.

Sa ulat na nakarating sa tanggapan ni Navotas City police chief, P/Col. Dexter Ollaging, nagpaun­lak ang biktima sa imbitasyon ng suspek na itinuturing niyang katropa noong Biyernes ng gabi, kasama ang iba pa niyang mga kabarkada.

Gayonman, nang makaubos ng tatlong bote ng alak, nakaramdam ng pagkahilo bunga ng kala­singan ang biktima kaya’t hinayaan muna siyang makapagpahinga sa isang silid ng bahay habang nagpatuloy sa pag-iinu­man ang magbabarka­da.

Dakong 6:00 am kahapon nang maramda­man ng biktima ang mainit na kamay na gumagapang sa maseselang bahagi ng kanyang katawan at kahit gusto niyang manlaban, wala siyang sapat na lakas na pigilan ang kapangaha­san ng suspek dahil sa nararamdaman pagkala­sing hanggang matagum­pay na nailugso ng lalaki ang pagkababae ng dala­gita.

Nang makabawi ng lakas, kaagad isinumbong ng dalagita sa kanyang lola ang ginawang pangha­halay na naging dahilan upang humingi ng tulong kina P/Cpl. Clifford Lumelay at P/SSgt. Reyjie Gruta, kapwa ng Sub-Station 4 ng Navotas Police na nagresulta sa pagkaka­dakip sa suspek.

(ROMMEL SALES)

About Rommel Sales

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …