Monday , July 15 2024
Navotas
Navotas

Mas maraming oportunidad pangkabuhayan
CONSTRUCTION NG NAVOTAS CONVENTION CENTER SINIMULAN

INIANUNSIYO ni Navotas City lone district congressman John Rey Tiangco na sinisimulan na ang construction ng Navotas Convention Center (NCC) kasunod ng groundbreaking ceremony noong Nobyembre ng nakaraang taon.

Ani Rep. Tiangco, ang three-story NCC building na matatagpuan sa kahabaan ng Road 10, Brgy. Bagumbayan South, malapit sa Navo­tas Centennial Park ay maghahatid ng mas maraming oportunidad pangkabuhayan para sa mga Navoteño.

Ayon kay Mayor Toby Tiangco, sakaling makompleto ito, ang Navotas ay magkakaroon ng sentro ng bulwagan na maaaring gamitin para sa pagpupulong, pagidiri­wang at iba pang activities na may kaugna­yan sa kabuhayan, turis­mo, edukasyon at malalaking events tulad ng sports at iba pa.

Ang first floor ng gusali ay ilalaan para sa indoor at outdoor parking habang ang second floor ay magkakaroon ng 10 function rooms na kayang tumanggap ng hanggang 700 individuals, anim na opisina at dalawang cafeteria.

Ang third floor ay magkakaroon ng standard-size na basketball court na may 4,225 seating capacity para sa mga manonood ng mga games o iba pang events. Naglagay din ng elevator para magamit ng mga taong may kapansa­nan, senior citizens at mga buntis.

“Maliit man ang land area ng Navotas, maka­titiyak kayo na patuloy natin itong tatayuan ng mga world class na impraestruktura at pasilidad,” ani Mayor Tiangco.

Ang construction ng NCC, ayon kay Cong. Tiangco, ay buhat sa pakikipagtulungan ng pamahalaang lungsod ng Navotas, Department of Public Works and Highways (DPWH) at ng kanyang tanggapan sa House of Representatives.

“Sa pagpapatayo ng NCC, mas marami pang magbubukas para sa kabuhayan at trabaho para sa mga kababayan nating mamamayan. Balakid man ang pan­demya sa ating mga plano, hindi tayo mapi­pigil sa pagpapataas ng antas ng buhay ng bawat Navoteno,” ani Rep. Tiangco.  (R. SALES)

About Rommel Sales

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …