Friday , May 27 2022
gun ban

Kahit Comelec gun ban at alert level 3
SUNDALONG ARMADO, 15 PA HULI SA TUPADA

KAHIT may umiiral na gun ban, hindi natakot ang 16 katao na nagtutupada kabilang ang isang kagawad ng Philippine Army (PA) na may dalang baril sa Taguig City, kamakalawa ng hapon.

Batay sa ulat na natanggap ni Southern Police District (SPD) director, P/BGen. Jimili Macaraeg, kinilala ang mga nadakip na sina Francisco Serdan, 38 anyos, nakatalaga sa Army Support Command; Roy Moreno, 45; Jed Jomoc, 34; Julian Bogtong, 37; Jovanni Vibal, 43; Elde Taco­cong, 55; Jean Vicente, 55; Rodel Intia, 20; Bonifacio Buena, 34; Ryan Platero, 27; Paul Dinela, 33;  Reden Garbin, 29; Teotimo Astro­nomo, 69;  Reynald Esan­cha, 58; at Melencio Abonal, 70.

Dakong 1:30 pm nitong 15 Enero, nang magsagawa ng operasyon sa pangunguna ng hepe ng Taguig Police Intelligence Section, laban sa ilegal na pagsasabong ng mga manok sa President Quirino St., Brgy. South Signal Village, Taguig City.

Arestado ang mga mana­naya na nakuhaan ng  kabuuang P3,640 cash habang si Serdan ay hinuli sa dala nitong kalibre .45 pistola sa kaniyang sling bag at dalawang magazine na may kargang mga bala.

Nakompiska rin ang mga panabong na manok.

Isinailalim sa inquest proceedings ang 16 na nadakip sa paglabag sa City Ordinance No. 12 Series of  2020; Presidential Decree 1602 o Illegal Gambling.

Habang si Serdan ay may dagdag na kakaharaping paglabag sa Republic Act 10591 (Illegal Possession of Firearm and Ammunitions) at paglabag sa Omnibus Election Code, kaugnay ng Comelec gun ban.

“Makikita natin, hindi lamang sa pagsasagawa ng COMELEC checkpoints tayo ay nakahuhuli ng lumalabag sa nationwide gun ban. Kahit sa ibang police operations ay nakahuhuli tayo ng gun ban violators. Ito ay dahil sa ipinatutupad natin sa SPD na intensified anti-criminality operations,” pahayag ni P/BGen. Macaraeg. (GINA GARCIA)

About Jaja Garcia

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …