MATABIL
ni John Fontanilla
MUKHANG taon ni Teejay Marquez ang 2021 dahil after ng pelikulang Takas ay mayroon kaagad itong kasunod, ang After All na ididirehe ni Adolf Alix.
Makakasama ni Teejay sa After All ang click tandem ng Kapuso na sina Kevin Miranda at Beauty Gonzales with Devon Seron.
Kuwento ni Teejay, ”Sobrang saya ko po kasi katatapos ko lang mag-shooting ng pelikulang ‘Takas’ tapong mayroon na kaagad kasunod, ito ngang ‘After All.’
“Sobrang excited to do the film dahil first time ko na makakatrabaho sina Kevin, Beauty and Devon, although si Devon nakakasama ko sa mga event.
“Bale sobrang ganda ng story nito alam kong maraming Pinoy ang makare-relate sa movie.
“Iikot sa aming apat nina Kevin, Beauty and Devon ‘yung story, kung ano-ano ba ‘yung connection namin sa isa’t isa at ano ba ‘yung nagiging conflicts.”
Dagdag pa ni Teejay, nagsimula na silang mag-shooting ng pelikulang After All.
