Monday , August 8 2022

Lacson-Sotto panalo sa Visayas

121321 HATAW Frontpage

HATAW News Team


PINATUNAYAN ng tatlong araw na pag-iikot ni Partido Reporma chairman at standard-bearer Panfilo “Ping” Lacson at running mate niya na si Nationalist People’s Coalition (NPC) chairman at vice presidentiable Vicente “Tito” Sotto III sa Visayas ang malakas at mainit na pagtanggap ng mga tao sa kanilang tambalan.


Mula Biyernes hang­gang Linggo, magkaka­sunod na dumalaw sina Lacson at Sotto sa Cebu, Negros Oriental, at Northern Samar para makipag-dialogo sa iba’t ibang sektor at lokal na opisyal ng pamahalaan upang malaman ang kanilang mga problema na maaaring masolu­syonan kahit ngayong nasa Senado pa sila at hindi pa nahahalal na susunod na lider ng bansa.

Kabilang sa mga tinungo ng Lacson-Sotto tandem at mga senatoriables na sina Dra. Minguita Padilla at Guillermo Eleazar ang lalawigan ng Cebu na balwarte ng mga Garcia, sila’y nakatanggap ng tiyak na suporta buhat sa negosyanteng si Winston Garcia.

“Talaga namang mukhang nakuha na ng Lacson-Sotto tandem ang Cebu dahil narinig mismo natin na nagsabi si Winston Fiel Garcia na susuportahan ang tambalan nila,” banggit ni Partido Reporma treasurer Arnel Ty mata­pos ang pakikipagpulong ni Garcia sa Lacson-Sotto tandem.

Halos ganito rin ang naging situwasyon sa Negros Oriental dahil mismong si Sotto ang nagsabing si Lacson na ang magiging opisyal na kandidato sa pag­ka­pangulo ng kanyan­g par­tido sa buong lalawi­gan, sa isang press conference sa Dumaguete City.

“I, as national chairman, and Chiquiting Sagarbarria as the provincial chairman—we already informed our party mates that in Negros Oriental we are endorsing Senator Ping Lacson as our presidential candidate,” ayon kay Sotto.

Nakatitiyak naman si National Unity Party (NUP) chairman at dating Department of Interior and Local Government (DILG) Secretary Ronaldo Puno na masusungkit nila ang lalawigan ng Samar bilang balwarte ng kanyang partido.

Si Puno na batikang political strategist ang campaign manager ng Lacson-Sotto tandem habang si dating House Speaker at Davao Del Norte Congressman Pantaleon “Bebot” Alvarez ang namumuno sa Partido Reporma na kinaaniban ni Lacson bilang chairman.

Ayon naman kay Lacson, tagumpay ang kanilang pakikipag­pu­long sa iba’t ibang sektor at LGU dahil sa magandang programa na kanilang inihain.

Aniya, “They are very receptive doon sa aming platform, especially ‘yung empowerment ng local government units because, after all, they are based here, so sila rin ‘yung — magiging partners sila sa development and other livelihood programs.”

Sa mga ginanap na mga “Online Kumusta­han” sa tatlong lalawigan, inilatag ng Lacson-Sotto tandem ang kanilang isinusulong na Budget Reform Advocacy for Village Empowerment (BRAVE) program na layuning maibaba sa mga local government unit (LGU) ang pondo ng national government upang magkaroon ng tsansa ang mga lokal na opisyal na maipatupad ang kanilang mga programa na nakaangkla batay sa kanilang mga pangangailangan at prayoridad.

About hataw tabloid

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …