Thursday , February 29 2024
Joy Belmonte

BELMONTE NO. 1 PA RIN SA QC — SURVEY
Track record basehan ng constituents

NUMERO UNONG kandidato pa rin sa pagka-alkalde ng Quezon City si Mayor Josefina “Joy” Belmonte at patuloy ang kanyang malaking kalamangan sa iba pang kumakandidato bilang punong-lungsod para sa halalang 2022.

Ito ang nasasaad sa huling independent survey na ginawa ng RP Mission and Development Foundation Inc. (RPMD) gamit ang face-to-face na pagtatanong sa 10,000 residente ng lungsod na may 2 percent (+/-) margin of error sa loob ng November 16 hanggang November 26, 2021.

Iniulat ni Dr. Paul Martinez, chairman ng RPMD na napapanatili ni Mayor Belmonte ang kanyang malaking kalamangan at katunayan ay umusad at nadagdagan pa nang kaunti ang 60 percent nito nang matamo ang pagtitiwala ng mga botante sa lungsod, at ngayon ay pumalo na sa 62 percent.

Dagdag ni Dr. Martinez, malayo ang kalamangan ni Belmonte sa katunggali nitong si Anakalusugan Partylist congressman Michael Defensor na dumausdos pa ang dating 32 percent sa 30 percent na lamang.

Ang sabi ni Dr. Martinez, pabor pa rin ang mga botante kay Belmonte at hindi kay Defensor, dahil sa track record nito na pagsilbihan ang mga tinatawag na QCitizens hindi lamang sa pagbibigay ng mga pangunahing serbisyo publiko, kundi pati sa pagtalima ng Mayora sa panganib nang sumailalim ang lungsod at ang buong bansa sa pandemyang dulot ng CoVid-19.

Sa pamumuno ni Belmonte, naigawad din nitong huli, ang pagkilala ng Department of Finance (DOF) sa lungsod bilang pinakamahusay na local government unit (LGU) sa paghawak ng mga nakokolektang buwis. Ang pagkilalang ito ng DOF ay siya namang tumugma sa naunang pahayag ng Commission on Audit (COA) nang maglabas ng unmodified or clean opinion sa tamang paghawak ng lungsod sa kaban ng bayan sa nagdaang taon ng 2020.

Sa pahayag ni DOF – Bureau of Local Government Finance (BLGF) executive director Niño Raymond Alvina sa pamamagitan ng isang memorandum, ang Quezon City sa taong 2020 ay nakapagtala ng kabuuang P21.757 bilyong nakolektang buwis, kabilang ang real property taxes, local business tax, at iba pang bayarin na galing sa mga lokal na negosyo sa lungsod.

Kinilala rin ang QC sa pamumuno ni Belmonte sa “year-on-year growth of 15.6 percent revenue” mula noong 2019 na may koleksiyong P18.81 bilyon o katumbas na pagtaas na P2.76 bilyon sa local revenues.

Pinasalamatan ni City Treasurer Ed Villanueva ang DOF-BLGF sa ibinigay nitong pagkilala sa lungsod at inihayag ang dahilan ng matagumpay na paghawak ng kaban ng bayan, ay ang mahusay na pamamalakad ni Mayor Belmonte na tinutumbasan ng taxpayers ng tamang pagbabayad ng kanilang buwis dahil sa pagtitiwala sa Mayora na gugulin ang mga pondo nang tama.

“Alam ng ating mga negosyante sa lungsod na ang buwis nilang ibinabayad ay mapupunta at makikita ng lahat na inagastos para sa mga pro-people projects gaya ng mga tulong at ayuda na agarang iniutos ni Mayor Belmonte bilang pagtugon sa ikaliligtas ng kalusugan ng lahat nang dahil sa panganib ng pandemya. Ito ay sa kabila ng pagbibigay pa rin ng mga social assistance sa mga poorest of the poor na residente ng lungsod,” paliwanag ni Villanueva.

Samantala, iniulat din ng RPMD na sa kanilang survey ay lumalabas din na halos lahat ng incumbent mayors sa Kamaynilaan ay may malaking pagkakataong maibotong muli dahil sa mga ipinakikita nilang “high performance in public service.”

About hataw tabloid

Check Also

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …