Tuesday , March 19 2024
Win Gatchalian

Sapat na pondo sa SHS financial assistance program giit ni Gatchalian

ISINUSULONG ni Senador Win Gatchalian na mapunan ang kakulangan sa pondo ng Senior High School Voucher Program (SHS-VP) upang maiwasan ang paglobo ng utang ng pamahalaan sa mga pribadong paaralan.

Ang SHS-VP ay isang programang nagbibigay ng tulong pinansiyal sa mga kalipikadong mag-aaral mula sa mga pribadong paaralan o non-DepEd na pampublikong senior high schools.

Ipinamamahagi ang naturang tulong pinansiyal sa pamamagitan ng vouchers.

“Magandang paraan ang voucher program upang matulungan ang mga pribadong paaralan lalo na’t marami sa kanila ang pinadapa ng pandemya. Ang kakulangan sa pondo ng SHS VP ay magdudulot ng mas mababang bilang ng benepisaryo para sa programa,” ani Gatchalian.

Bagama’t nagpanukala ang Department of Education (DepEd) ng P25 bilyong pondo para sa SHS-VP sa taon 2022, P16.5 bilyon lamang o mas mababa ng halos P9 bilyon ang inilaan ng National Expenditure Program (NEP) sa naturang programa.

Sa ilalim ng committee report ng Senado sa panukalang 2022 budget, P5 bilyon ang idinagdag sa SHS VP sa ilalim ng unprogrammed appropriations.

Mahigit P25 bilyon (P25.2-B) ang inilaan sa SHS-VP ngayong 2021, P11.5 bilyon dito ay nasa ilalim ng unprogrammed appropriations ngunit P3.7 bilyon pa lamang ang pinondohan. 

Nagbabala si Gatchalian, kung patuloy na magkakaroon ng kakulangan sa pondo ng SHS-VP, patuloy na lolobo ang utang ng DepEd sa mga pribadong paaralan.

Sa kasalukuyan, may utang na P35 bilyon ang DepEd sa mga pribadong paaralan sa ilalim ng SHS-VP.

“Nababahala ako sa Senior High School Voucher Program sa susunod na taon dahil kung hindi natin mapopondohan ang kulang na P9 bilyon at ang unprogrammed funds, patuloy na tataas kada taon ang utang natin sa mga pribadong paaralan at hindi ito matatapos,” ani Gatchalian.

“Kung patuloy tayong magkakaroon ng kakulangan, madaragdagan nang madaragdagan ang utang natin at darating ang panahon hindi na tayo makahahabol,” dagdag na pahayag ng senador.

Upang matugunan ang kakulangan sa SHS-VP, ipinanukala ni Gatchalian na ilaan ang bahagi ng P15 bilyong nakalaan sa Flexible Learning Options (FLOs).

Samantala, inaasahan ni Gatchalian na makababalik sa face-to-face classes ang maraming mga paaralan sa susunod na taon at hindi na kakailanganin ang maraming modules. (NIÑO ACLAN)

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …