Thursday , April 18 2024

Obrero kritikal sa pananaksak ng tatlong kelot

NASA malubhang kalagayan ang isang obrero makaraang pagtulungang pagsasaksakin ng tatlong lalaki sa Malabon City, kahapon ng madaling araw.

Patuloy na inoobserbahan sa Tondo Medical Center (TMC) ang biktima na kinilalang si Marvin Gabriel, 36 anyos, residente sa Block 2 Lot 23 MPV Dulong Hernandez, Brgy. Catmon ng nasabing lungsod sanhi ng mga saksak sa katawan.

Kasalukuyang pinaghahanap ng mga pulis ang mga suspek na kinilalang sina Aaron Soriano, nasa hustong gulang ng Brgy. Longos, alyas Totin, at isang hindi kilala, na mabilis nagsitakas sa hindi natukoy na direksiyon.

Batay sa pinagsamang ulat nina P/SSgt. Mardelio Osting at P/SSgt. Diego Ngippol kay Malabon City police chief Col. Albert Barot, dakong 2:30 am nang maganap sa Block 11, Brgy. Longos ng nasabing lungsod.

Nagtungo ang biktima, kasama ang kanyang kaibigang si Joselito Torrenueva sa nasabing barangay nang biglang sumulpot mula sa kanilang likuran ang mga suspek at walang sabi-sabing pinagtulungan silang pagsasaksakin sa iba’t ibang parte ng katawan.

Sa kabila ng mga saksak, nagawa pang makatakbo ng biktima hanggang makahingi ng tulong sa kanyang mga kaanak na nagsugod sa kanya sa naturang pagamutan. (ROMMEL SALES)

About Rommel Sales

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …