HATAW! D'yaryo ng Bayan hatawtabloid.com
FACT SHEET
ni Reggee Bonoan
MAKAHULUGAN ang pag-follow ni Ms Julie Ann Benitez, head ng JRB unit na namamahala sa Darna series ni Jane De Leon sa aktres na si Denise Laurel na nag-post ng larawang may mga ahas siya sa ulo.
Si Denise na kaya ang gaganap na Valentina, ang iconic kontrabida ni Darna? Magkakaroon ng anunsyo sa Biyernes, Nobyembre 19 kung sino na ang napili para sa nasabing karakter.
Anyway, trulili kaya na nag-audition din sina Ivana Alawi, Yassi Pressman, AJ Raval, Jackie Rice, at Janine Gutierrez? Pero itinanggi na ito ng kampo ni AJ.
“Baka hindi napili? Siyempre itatanggi ‘yun,”sabi ng aming source.
Dapat sana ay pawang Star Magic talents ang kailangang gumanap na Valentina pero ang paliwanag ng aming source, “Hindi pa kasi hinog ‘yung mga nag-audition, parang hindi pa kaya ‘yung ganoon kabigat na karakter. Lahat kasi ng hinog naglayasan na sa ABS. Si Julia Barretto sana bagay maging Valentina rin, eh, umalis naman na.”
Anyway, noong Nobyembre 15 pala ang first taping day ng Darna sa ABS-CBN Soundstage sa San Jose del Monte, Bulacan.
Sina Direk Avel Sunpongco at Chito Rono ang magtutulong na magdirehe ng Darna at sa 2022 ito eere sa Kapamilya channels handog ng JRB Creative Productions.
