Saturday , January 28 2023

25-anyos Chinese national itinumba sa loob ng bahay

MAY tama ng balang baril sa ulo at dibdib nang matagpuang ang bangkay ng isang Chinese national na nakaluhod sa tabi ng kanyang kama sa Brgy. Pinyahan, Quezon City, nitong Martes ng gabi.

Sa ulat ng Quezon City Police District (QCPD), Ang biktima ay kinilalang si Jefferson Dy Tan, 25, binata, walang trabaho, at residente sa No.53-A, Mapang-akit St., Brgy. Pinyahan, Quezon City.

Sa ulat ng Criminal Investigation and Detection Unit ng Quezon City Police District (CIDU-QCPD), bandang 6:30 pm, nitong 2 Nobyembre, nang madiskubre ang biktima sa loob ng kaniyang tahanan sa nasabing barangay.

Sa imbestigasyon ni P/Cpl. Jerome Mendez, ang biktima ay mag-isa lamang sa kanyang tahanan habang ang ama na si Jaime Uy Tan ay naninirahan naman ‘di kalayuan sa bahay ng anak.

Ayon sa matandang Tan, inimpormahan siya ng kanyang helper na si Danny Subiza na nakita nito na bukas ang gate ng tahanan ng anak.

Dahil dito ay agad pinuntahan ng matandang Tan ang bahay at bumungad sa kanya ang duguang katawan ng anak na nakaluhod sa tabi ng kama at may tama ng tig-isang bala ng baril sa dibdib at ulo.

Masusi pang nagsasagawa ng imbestigasyon ang pulisya sa motibo ng pagpatay sa biktima.

Nakasamsam sa crime scene ang SOCO team na pinamumunuan ni P/Maj. Joseph Infante ng dalawang fired cartridge cases, isang live ammunition ng kalibre .45 at dalawang plastic sachet na naglalaman umano ng 20 at 10 piraso ng ecstasy tablets. (ALMAR DANGUILAN)

About Almar Danguilan

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …