Saturday , May 28 2022

Isabela iniangat nina Young, Cabellon sa PCAP meet

INIANGAT  sina 8-time Illinois USA Champion International Master Angelo Abundo Young at National Master Gerardo Cabellon ang  koponan ng Isabela’s Knights of Alexander na tinalo ang Davao Executive Chess Wizards, 12.5-8.5, sa third conference Professional Chess Association of the Philippines (PCAP) Sabado ng gabi, Okt. 30 virtually na ginanap sa Chess.com Platform.

Tangan ang puting piyesa ay giniba ni IM Young si National Master Aglipay Oberio sa 63 moves ng King’s Indian defense,  nagwagi naman  si NM Cabellon kay Arnel Niño Aton sa 56 moves ng Queen’s Pawn Opening para ihatid ang Knights of Alexander sa kanilang ninth win kontra sa six losses. Habang nabaon naman ang Davao Executive Chess Wizards sa 5-10.

“It was a total team effort,” sabi ni IM Young na overall eighth-placer sa 2019 World Seniors Chess Championships sa Bucharest, Romania.

Pinuri naman ni Isabela head coach Charlie Lagoc ang kanyang mga manlalaro na dumaan sa  matinding laban sa Davao.

\

Nakaha  ng suporta sina Young at Cabellon kina International Master Emmanuel Senador at Lordwin Espiritu sa rapid event.

Pinabagsak ni IM Senador si National Master Alexander Lupian sa 44 moves ng Queen’s Pawn Opening habang nakihati ng puntos naman si Espiritu kay Ariel Niño Aton sa 50 moves ng Pirc defense.

Sina Mary Israel Palero Segarra, Anthony Mosqueda at Reynaldo de Guzman ang napalaban ng husto sa Davao Executive Chess Wizards na tinalo sina Woman Candidate Master Christy Lamiel Bernales, Anwar Cabugatan at Renan Rabago, ayon sa pagkakasunod.

7-all ang iskor  sa rapid portion pero nakamit pa rin ng Isabela’s Knights of Alexander ang tagumpay matapos dominahin ang blitz phase, 5.5-1.5.

Una ng kinaldag ng Isabela’s Knights of Alexander ang Bangkok (Thailand), 12-9, kung saan ay pinahinto ni IM Young si FM Deniel Causo sa rapid play.

Susunod na makakalaban ng Isabela ang San Juan Predators at Laguna Heroes sa Miyerkoles, Nob.3.

MARLON BERNARDINO

About Marlon Bernardino

Check Also

Tank Davis Mayweather Rolando  Romero

 ‘Tank’ Davis huling laban na si Romero sa ilalim ng Mayweather Promotions

DESIDIDO si Gervonta ‘Tank’ Davis na kumalas na sa Mayweather Promotions pagkatapos ng laban niya …

PCAP Professional Chess Association of the Philippines

Cavite, Caloocan chessers humataw agad sa panimula ng  PCAP online chess tourney

MANILA—Malakas na sinimulan ng Cavite Spartans at Caloocan Loadmanna Knights ang kanilang kampanya matapos magtala …

Philracom Horse Race

2022 PHILRACOM ‘Gran Copa de Manila Cup’ lalarga sa San Lazaro

KINASASABIKAN na ng racing aficionados ang paglarga ng 2022 Gran Copa De Manila na itatakbo …

Chess

Jayag, Molinyawe kampeon sa Marinduque Rapid Chess tourney

PINAGHARIAN nina John Meneses Jayag at Cleiford Kortchnoi Molinyawe ang kani-kanilang dibisyon sa katatapos na …

Ramon Fernandez SEA games

PH squad nirepresenta ni Mon Fernandez  sa Viet SEA Games closing rites

HANOI – Tunay sa kanyang binitawang salita bilang ‘last man standing’,  nagpaiwan si national team …