Thursday , February 9 2023

Barangay chairman, lady official, sugatan sa riding-in-tandem

BINARIL at sugatan ang isang barangay chairman kabilang ang opisyal nito ng motorcycle riding in tandem suspects sa harapan ng barangay hall sa Pasay City.

Isinugod sa San Juan De Dios Hospital ang mga biktimang sina Evan Basinillo, 49, chairman ng Barangay 179, Maricaban, Pasay City, may tama ng bala sa kaliwang bahagi ng baywang at kanang braso; at Rowena Remo, 43, Brgy. Women’s Desk, ng Block 24 Lot 7, Saint Francis St., ng nasabing barangay na may tama rin sa binti at beywang.

Inaalam ng awtoridad ang pagkakakilanlan ng dalawang lalaking suspek.

Sa naantalang ulat na isinumite kay Southern Police District (SPD) chief, BGen. Jimili Macaraeg, ang pamamaril ay naganap sa Saint Peter St., Brgy. 179, Pasay City dakong 11:45 pm nitong Lunes, 25 Oktubre.

Sa inisyal imbestigasyon, nabatid na nakaupo sa hagdanan ng barangay hall sina Basinillo at Remo nang sumulpot ang dalawang suspek na magkaangkas sa motorsiklo saka pinaulanan ng bala ang dalawang biktima na kanilang ikinasugat.

Matapos ang pamamaril tumakas ang mga suspek sa hindi matukoy na direksiyon.

Nagsagawa ng follow-up operation ang Sub-Station 7 sa pangunguna ni Lt. Marvin Manalo, deputy commander, matapos matanggap ang report ng pamamatil mula sa isang concerned citizen.

Nakuha sa pinangyarihan ng krimen ang walong basyo at apat na fired bullets.

Napag-alaman na malapit lamang sa naturang presinto ang pamamaril kaya narinig ng pulis na naka-duty ang sunod-sunod na putok ng baril sa naturang lugar.

Patuloy na nagsasagawa ng masusing imbestigasyon ang awtoridad sa pamamaril sa mga biktima.  (GINA GARCIA)

About hataw tabloid

Check Also

Minahan ng apog sa Danao, Cebu gumuho
PASTOLERA NG BABOY NATABUNAN, PATAY

PATAY ang isang 46-anyos babaeng nagpapastol ng mga alagang baboy nang gumuho ang minahan ng …

baby old hand

Natagpuan sa landfill
BABY BOY IKINAHON SA STYROBOX

WALA nang buhay nang matagpuan ng isang scavenger ang isang bagong silang na sanggol na …

Illegal mining ops sa Sibuyan ipinatigil 2

Sa marahas na police dispersal sa Sibuyan
2 KALAHOK SA HUMAN BARRICADE VS ILLEGAL MINING SUGATAN

SUGATAN ang dalawang lumahok sa barikada kontra ilegal na pagmimina na binuo ng mga residente …

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …