Thursday , December 2 2021
night club Coivd-19
night club Coivd-19

Operasyon ng KTV bar sa Pasay nabuko

NABUNYAG ang operasyon ng isang  KTV bar sa Pasay City na ikinaaresto ang mga empleyado, dahil sa paglabag sa Inter-Agency Task Force (IATF) guidelines sa ilalim ng General Community Quarantine (GCQ)  Alert Level 4 sa Metro Manila.

Kinilala ni Pasay City police chief, Col. Cesar Pasayos ang mga suspek na sina  Michael Relampago, 29, floor manager, residente sa San Marino Height, Brgy. Salawag, Dasmariñas City, Cavite; Elren Pusing, 32, waitress; Mark Anthony Cerbito, 27, waiter; Joel Caalim, 26, waiter; Jerry Quartero, Jr., 28, waiter; at Arjay Glen Rebulas, 33, ng nasabing bar.

Sa ulat ni P/Cpl. Gene Harmon Ashby, imbestigador, dakong 2:30 am nitong Linggo, 3 Oktubre, sinalakay ng mga operatiba ng Station Intelligence Section ang GLX Galaxy KTV Bar na matatagpuan sa Hobbies of Asia, Macapagal Boulevard, Pasay City.

Nauna rito, may nakarating na impormasyon sa awtoridad na nananatiling nag-o-operate ang naturang KTV bar sa kabila ng pandemyang CoVid-19.

Huli sa akto ng mga pulis ang mga suspek sa loob ng bar, malinaw na paglabag sa IATF guidelines  na ang mga bar at night clubs ay hindi pinapayagan sa ilalim ng GCQ Alert Level 4,  kaya agad silang dinampot.              

Ang lahat ng dinampot ay inisyuhan ng City Ordinance Violation Receipt (COVR) sa paglabag sa social distancing at curfew sa ilalim ng Pasay City Ordinance No. 6129 habang ang floor manager na si Relampago ay isinailalim sa inquest proceeding sa Pasay Prosecutor’s Office para sa hiwalay na criminal charge sa paglabag sa RA 11332, Sec (e), (Non-cooperation of the person or entities identified as having a noticeable disease or affected by the health event of emergency).

Ipinasara ng lokal na pamahalaan ang  naturang KTV bar habang umiiral ang IATF guidelines.  (GINA GARCIA)

About hataw tabloid

Check Also

Benhur Abalos MMDA

Number coding scheme (UVVRP) muling ipatutupad ng MMDA

MULING ipatutupad ngayong araw ng Miyerkoles, 1 Disyembre 2021, ng Metropolitan Manila Development Authority (MMDA) …

Kalayaan Pagasa Deped

Sa Pag-asa Island, Kalayaan
ELEMENTARY & HS INTEGRATED SCHOOL SA PAG-ASA ISLAND, APRUB SA DEPED

NABIGYAN ng pag-asa para sa isang maayos na buhay ang kabataan ng Pag-asa Island sa Kalayaan …

Sa Malabon
2 TULAK ARESTADO SA P.3-M SHABU

KULUNGAN ang binagsakan ng dalawang tulak ng ipinagbabawal na droga nang makuhaan ng mahigit sa …

Janitor todas sa boga ng Jaguar

ISANG janitor ang pinagbabaril ng isang guwardiya PINAGBABARIL ang isang janitor, na ikinahulog nito mula …

Ayuda ginasta sa toma
KUYA PATAY SA SAKSAK NG KAPATID

PATAY agad ang isang magsasaka sa bayan ng Allacapan, lalawigan ng Cagayan, matapos saksakin ng …