Saturday , January 28 2023
Zambales PPO, PNP PRO3, San Marcelino Zambales

3-anyos bata ginahasa, ex-brgy. Chair timbog

ARESTADO ang isang dating kapitan ng barangay na kabilang sa listahan ng top most wanted persons ng Zambales sa isinagawang manhunt operation ng mga awtoridad sa naturang lalawigan, nitong Linggo, 3 Oktubre.

Sa ulat mula kay P/Col. Romano Cardiño, acting provincial director ng Zambales PPO, kinilala ang suspek na si Angel Cabbab, 74 anyos, dating kapitan ng barangay at residente sa Purok 1 Laderas St., Brgy. Lucero, bayan ng San Marcelino, sa naturang lalawigan.

Dinakip si Cabbab ng mga tauhan ng San Marcelino Municipal Police Station (MPS), Provincial Intelligence Unit (PIU), 2nd PMFC, 305th Maneuver Coy at CIDT Zambales sa ikinasang manhunt operation sa Brgy. San Rafael, sa nabanggit na bayan.

Nabatid na si Cabbab ay may nakabinbing warrant of arrest para sa krimeng Rape sa ilalim ng Criminal Case No. 2019-74FC na inisyu ni Judge Gemma Theresa Hilario-Logronio, assisting Judge ng Olongapo City RTC Branch 73, may petsang 7 Pebrero 2019 na walang itinakdang piyansa.

Pangunahing suspek si Cabbab sa panggagahasa sa isang 3-anyos batang babae noong 12 Disyembre 2018.

Naganap ang insidente ng panghahalay habang siya ang incumbent barangay chairman ng Brgy. Lucero at nagpakatago-tago sa ginawang krimen hanggang maaresto kamakalawa ng tanghali. (MICKA BAUTISTA)

About Micka Bautista

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …