NASUKOL ang top 13 most wanted person ng lungsod ng Gapan, lalawigan ng Nueva Ecija, nang isilbi ng mga awtoridad ang warrant of arrest laban sa akusado sa loob ng pasilidad ng BJMP sa lungsod ng Lipa, lalawigan ng Batangas, nitong Linggo ng umaga, 3 Oktubre.
Ayon kay P/Col. Rhoderick Campo, OIC provincial director ng Nueva Ecija PPO, inihain ng mga elemento ng Gapan City Police Station (CPS) ang warrant of arrest laban sa suspek na kinilalang si Alexander Flores, 27 anyos, residente sa Brgy. Sto. Niño, sa nabanggit na lungsod.
Inaresto ang suspek sa kasong paglabag sa RA 6539 o Anti-Carnapping Law of 1972 sa ilalim ng Criminal Case No. 18651-15 na nilagdaan ni Judge Mildred Villaroman Hernal ng Gapan City RTC Branch 35, may petsang 21 Disyembre 2015. (MICKA BAUTISTA)
