Tuesday , February 7 2023
Fake Cigarette, yosi, sigarilyo

P32-M pekeng sigarilyo nasamsam (Bodega sinalakay Sa Bulacan)

NAKOMPISKA ang higit sa P32-milyong halaga ng pekeng mga sigarilyo nang salakayin ng mga awtoridad ang isang bodega sa bayan ng Balagtas, sa lalawigan ng Bulacan, nitong Linggo ng gabi, 3 Oktubre.

Ikinasa ang raid ng PNP-Criminal Investigation and Detection Group 3 (PNP-CIDG 3) sa bodegang matatagpuan sa Zone 6, By-pass Road, Brgy. Borol 2nd, sa nabanggit na bayan dakong 11:00 pm kamakalawa.

Naaresto sa operasyon ang dalawang Chinese nationals na kinilalang sina Zeng Qiangjian, alyas Ken, 42 anyos, ng Brgy. Bigaa, Balagtas; at Lin Shanxiong, alyas Anthony Lim, 48 anyos, ng Brgy. Maybunga, Pasig; at ang dalawang helper na Pinoy na sina John Bejay Aguilar, 25 anyos, ng Brgy. Tabon, Pulilan; at Rodolfo Brosas, 45 anyos, ng Brgy. Malis, Guiguinto.

Narekober sa lugar ang 27 kahon ng Marlboro light, anim na kahon ng Marlboro red, 41 kahon ng Marvel red, 26 kahon ng Jackpot, 41 kahon ng Union, 15 kahon ng Combo, 147 kahon ng Fortune blue, 49 kahon ng Mighty Green, 637 kahon ng Two Moon, 95 na kahon ng Fortune Green, at 244 kahon ng D&B.

Ayon kay P/Maj. Gen. Albert Ignatius Ferro ng PNP-CIDG, ang mga nasamsam na sigarilyo ay pawang smuggled and untaxed cigarettes na sa kabuuan ay 1,346 kahon at tinatayang nagkakahalaga ng ng P32,305,000.

Nakompiska rin ng mga tauhan ng PNP-CIDG 3 ang isang Isuzu Elf truck, may Plate No. CBJ 6630 ginagamit ng mga suspek sa operasyon; at 1,000 piraso ng P1,000-peso bill na ginamit bilang boodle money.

Nahaharap ang mga naarestong suspek sa mga kasong paglabag sa Article 189 of the Revised Penal Code, RA 7394 o The Consumer Act of the Philippines; RA 829 o Intellectual Property Code of the Philippines; at RA 1937 o An Act to Revise and Codify the Tariff and Custom Law of the Philippines.

Sa kasalukuyan, patuloy ang mga tauhan ng PNP-CIDG 3 sa pagsasagawa ng imbestigsyon upang matunton at matukoy kung saan at sino ang nagsu-supply ng mga sigarilyong ito sa mga suspek. (MICKA BAUTISTA)

About Micka Bautista

Check Also

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …

Bulacan Blas Ople Daniel Fernando Alexis Castro Toots Ople

Sa kanyang ika-96 kaarawan
GAT BLAS F. OPLE MULING GINUNITA SA MGA MENSAHENG TAGOS MULA SA PUSO

“HUWAG mahalin ang posisyon kundi ang tao, at laging mahalin ang bansa bago ang sarili.” …

Bulacan Blas Ople Job

Alay sa mga Bulakenyo
JOB FAIR, MEDICAL MISSION IDINAOS BILANG PARANGAL SA ARAW NI GAT BLAS OPLE

BILANG bahagi ng pagpupugay sa ika-96 anibersaryo ng kapanganakan ni Gat Blas F. Ople, nagsagawa …

Arrest Posas Handcuff

Rank 8 most wanted person ng Nueva Ecija, huli sa Vale

NAGWAKAS ang pagtatago sa batas ng isang lalakingnakalistang rank no. 8 most wanted person (MWP) …