Tuesday , April 23 2024
AMLC, Pharmally

Yaman nina Yang, Lao, at Pharmally directors dapat i-freeze — De Lima

HINILING ni Senadora Leila de Lima sa  Anti-Money Laundering Council (AMLC) ang agarang pag-freeze sa mga yaman at ari-arian ng Pharmally Pharmaceutical Corporation executives kasunod ng pagtawag sa kanila na “soulless monsters” batay sa takbo ng imbestigasyon ng senado ukol sa pagbili ng luxury cars matapos makuha ang multibillion-peso worth of government contracts.

Ayon kay De Lima, Chairwoman ng Senate Committee on Social Justice, Welfare and Rural Development, ang pag-freeze sa mga yaman at ari-arian ng Pharmally Directors ay dapat madaliin at agarang gawin bago pa lumipad sa Carribean na kilalang bagsakan ng mga plundered loot.”

“Like everyone else, I was shocked by the parade of Lamborghinis, Porsches, and Lexuses owned by the directors of Pharmally who apparently went wild on a luxury car buying-spree after receiving their P8.7 billion windfall from selling overpriced PPEs, masks, and face shields to the government. Kulang na lang ‘yung Maserati ni ex-DBM Usec. Lloyd Christopher Lao kompleto na sana,” ani De Lima.

Sinabi ni De Lima, hindi dapat payagan na mapunta sa wala ang bawat singkong buwis na ibinayad ng taongbayan.

“The AMLC should immediately apply for a freeze order and initiate civil forfeiture proceedings against these shameless profiteers. Kahit huwag muna si Duterte. Saka na ‘yung kalabaw. Kahit hanggang sa kanyang BFF na si Michael Yang muna,” dagdag ni De Lima.

Magugunitang noong nakalipas na pagdinig ay nabunyag na sina  Linconn Ong, Mohit Dargani, at kapatid nito na si  Twinkle Dargani  ay nakabili at nakapangalan ang apat na luxury vehicles, kalahating taon matapos ang naging transaksiyon sa pamahalaan.

“Alam naman nating laway lang ang puhunan nila, lalo ang laway ni Michael Yang na tila ba napakatamis para kay Duterte at siya pa ang tumatayong abogado para sa kanila. Alam naman nating si Michael Yang lang at ang kanyang koneksiyon kay Duterte ang dahilan kung bakit nakorner nito ang bilyon-bilyonng kontrata sa gobyerno,” ani  De Lima.

Iginiit ni de Lima, patunay ito na hindi ginamit ang pondo sa tamang paggagamitan sa ilalim ng Bayanihan 2.

“Ginamit na pambili ng mga Porsche at Lamborghini, habang namamatay sa gutom at CoVid ang ating mga kababayan. Napakahalimaw nga naman talaga ng Pharmally directors, ano po? Mga walang kaluluwa, pati na iyong kanilang mga kasabwat sa gobyerno katulad ni Usec. Lao, ang nasa gitna sa lahat ng transaksiyong ito na si Michael Yang, at ang kanilang kalabaw na tinutuntungan sa Malacañang, walang iba kung hindi si Duterte,” dagdag ni De Lima.  (NIÑO ACLAN)

About Niño Aclan

Check Also

fire dead

Nanay naghanap ng kahoy para panggatong
2 PASLIT NA MAG-UTOL NAABO SA SUMABOG NA TANGKE NG LPG

SILANG, CAVITE — Masusing iniimbestigahan ang pagkamatay sa sunog ng magkapatid na paslit base sa …

Ejay Falcon Alan Peter Pia Cayetano ORIENTAL MINDORO

Mga Cayetano, nagpaabot ng tulong  
1,650 BENEPISARYO, 50 TESDA SCHOLARS PARA SA ORIENTAL MINDORO

UMABOT sa 1,650 benepisaryo mula sa iba’t ibang sektor at distrito sa Oriental Mindoro ang …

PCMC MRI and CT scan Pia Cayetano Bong Go

Cayetano nanguna sa pasinaya  
STATE-OF-THE-ART MRI, CT SCAN EQUIPMENT, ATBP FACILITIES SA PCMC

PINANGUNAHAN ni Senadora Pia Cayetano ang pagbubukas ng Philippine Children’s Medical Center (PCMC) para sa …

Navoteño solo parents cash subsidy

Navoteño solo parents tumanggap ng buwanang cash subsidy

SINIMULAN ng pamahalaang lungsod ng Navotas ang pamamahagi ng buwanang cash subsidy para sa mga …

drugs pot session arrest

4 arestado sa pot-session sa Valenzuela

SWAK sa kulungan ang apat katao matapos mahuli sa akto ng mga pulis na sumisinghot …

Leave a Reply

Your email address will not be published. Required fields are marked *