Sunday , December 5 2021
face to face classes School

Limited f2f classes, aprub sa Palasyo (Kinder hanggang Grade 3 pupils eksperimento)

PINAYAGAN ni Pangulong Rodrigo Duterte ang pagdaraos ng limitadong face-to-face classes sa mga lugar na mababa ang kaso ng CoVid-19.

Inihayag ito kahapon nina Presidential Spokesman Harry Roque at Education Secretary Leonor Briones.

Ayon kay Roque, ang mga naturang erya ay tutukuyin ng Department of Health (DOH) at Department of Education (DepEd) at ang in-person classes ay idaraos araw-araw kundi “half a day every other week.”

“Kailangan may suporta ng local government units sa pamamagitan ng resolution o letter of support at kinakailangan po mayroong written support and consent ng mga magulang,” sabi ni Roque sa Malacañang virtual press briefing.

Ikinagalak ni Briones ang pagpapahintulot ni Pangulong Rodrigo Duterte kahapon ng 11am face-to-face classes.

“This is wonderful, this is a great day tungkol sa edukasyon dito sa ating bansa.”

Batay aniya sa aprobadong guidelines, ang Kindergarten ay magkakaroon ng 12 mag-aaral habang ang Grade 1 to 3 classes ay may 16 estudyante.

Ang technical vocation classes ay puwedeng magkaroon ng hanggang 20 estudyante. Ito ay para magkaroon aniya ng space for distancing sa loob ng silid-aralan.

Ang mga klase mula Kinder hanggang Grade 3 ay hanggang tatlong oras ang pinakamatagal.

Aabot lamang aniya sa 100 public schools at 20 private schools ang saklaw ng limitadong face-to-face classes.

“Kailangan papasa sa Department of Education kung saan tayo mag-hold ng face-to-face classes,” sabi ni Briones kasabay nang pagkatig sa naunang pahayag ni Roque na kailangan din ng basbas ng lokal na pamahalaan.

“Kung safe ang pilot and it is effective then we will gradually increase. Pero ang mahalaga dito bantayan natin kung ano ang risk assessment. Pag may pagbabago sa risk assessment then talagang titigilan natin,” ani Briones.

Hindi aniya magiging requirement na bakunado ang mga guro at school officials dahil karamihan sa kanila’y ‘fully vaccinated’ na sa kani-kanilang lugar.

Kaugnay nito, welcome sa Alliance of Concerned Teachers (ACT) ang limited face-to-face classes upang maging mas maayos ang pagkakamit ng edukasyon sa panahon ng pandemya.

Nanawagan ang ACT sa administrasyong Duterte na tiyaking maisasakatuparan sa lahat ng mga lalahok na paaralan ang pagkakaroon ng health facilities gaya ng sapat na palikuran, handwashing facilities, school clinic at iba pa.

Dapat din anilang mag-empleyo ang mga paaralan ng health at sanitation personnel, magsagawa ng health check at mass testing sa lahat ng education workers at mag-aaral na lalahok sa face-to-face classes.

Kailangan din maglaan ng libreng medical supplies at personal protective equipment at tiyakin ang ligtas na mode of transportation.

Magpatupad ng health protocols gaya ng class size na may maximum na 15 students, rotation of face-to-face class schedules, regular disinfection of school premises, practice of social distancing and wearing of face masks.

“Similarly, as these schools will implement blended modes of learning, the government must ensure that the needs of the different distance learning modalities employed in the locality are provided sufficiently and in a timely manner—the most basic and most widely used among these is the self-learning modules which should meet the standard of 1:1 student to module ratio,” anang ACT sa isang kalatas.

“DepEd and the rest of the Duterte government shall ensure that these needs are met in order for the two-month pilot run of limited face-to-face classes to be successful. The results of which shall allow the government to complete its roadmap towards the eventual safe reopening of schools across the country, while it simultaneously improves its medical and socio-economic responses to the pandemic.” (ROSE NOVENARIO)

About Rose Novenario

Check Also

Sir Jerry Yap JSY

MARAMI na akong nabalitaang uri ng pagpatay, pero hindi ko akalain na sa ganitong panahon …

Quezon Province

2021 annual budget ng probinsiya
9 BOKAL NG QUEZON MAY AMBANG PLUNDER VS GOV. SUAREZ, et al

MAGHAHARAP ng kasong plunder o pandarambong ang siyam na miyembro ng Sangguniang Panlalawigan ng Quezon …

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

Sir Jerry Yap JSY Hataw

Isang alaala ng walang pag-iimbot na pagtulong

ISANG alaala na hindi ko makalilimutan habang ako ay nabubuhay ay nang magkaroon ako ng …

3 rapists, 18 pasaway nasakote sa Bulacan

NASUKOL ang kabuuang 21 katao kabilang ang tatlong hinihinalang rapist sa iba’t ibang operasyong ikinasa …

Leave a Reply