Monday , October 3 2022

Batang ina dumami sa panahon ng lockdown

KASUNOD ng Executive Order ng Malacañang na nag­dede­klarang gawing prayo­ridad ang pag­resolba sa teenage pregnancy o maaagang pagbubuntis ng mga kabataan, binigyang diin ni Senador Win Gatchalian ang kahala­gahan ng pagtugon sa mga kakulangan ng comprehensive sexuality education (CSE).

Mandato ng Respon­sible Parenthood and Reproductive Health (RPRH) Act of 2012 (Republic Act 10354) ang pagkakaroon ng angkop na reproductive health education. Kabilang sa mga dapat talakayin dito ang mga isyung tulad ng pro­teksiyon mula sa maagang pagbubuntis, pang-aabusong sek­swal, gender-based violence, at responsableng asal.

Upang gabayan ang paghahatid ng CSE, nilabas ng DepEd ang DepEd Order No. 31 s. 2018.

Sa kabila ng pag­sasabatas ng RPRH Act, patuloy ang pagtaas ng bilang ng mga batang ina, batay sa ulat ng Commission on Population and Development (POPCOM).

Ilang ulit nagbabala ang Chairman ng Senate Committee on Basic Education, Arts and Culture na ang pagpapatupad ng lockdown sa panahon ng pandemyang dulot ng CoVid-19 ay maaaring sanhi ng lalong pagdami ng mga batang ina.

Iniulat ng POPCOM na noong 2020, 2,422 sanggol ang isinilang ng mga batang ina sa Cordillera, mas mataas ng halos limampung (46.43) porsiyento mula sa mahigit 1,654 isinilang noong 2019.

Sa taong 2019, ang mga menor de edad na may edad 15-anyos pababa, na naging ina ay mahigit sa 62,510 mula sa 62,341, ayon sa POPCOM.

Inihayag ng komi­syon, mahigit 2,411 mga batang may edad 10 hanggang 14 anyos ang nanganak noong 2019, mas mataas ng tatlong beses mula sa 755 naitala noong 2000.

Sa pag-aaral ng Philippine Institute for Development Studies (PIDS), lumalabas na sa pagtuturo ng RPRH ay nakita ang kakulangan ng manpower at mga pasilidad, mga training, mga kagamitan sa pagtuturo, koordi­nasyon, at monitoring system.

Ayon sa PIDS, kulang at hindi abot-kamay ang mga training sa-integrastyon ng CSE sa curriculum.

Sinabi ng senador, makatutulong ang Alternative Learning System (ALS) upang mabigyan ang mga batang ina ng pagka­kataon upang muling makapag-aral. Si Gat­chalian ang panguna­hing may-akda at sponsor ng Republic Act No. 11510 o ang Alternative Learning System Act.

 (NIÑO ACLAN)

About Niño Aclan

Check Also

Bulacan

Mahigit 4,000 na evacuees sa Bulacan bumalik na sa kanilang mga tahanan matapos ang Super TY Karding

MAY kabuuang 4,760 na indibidwal ang ligtas nang nakabalik sa kanilang mga tahanan noong Martes, …

5 rescuers na nasawi sa Bulacan bibigyan ng espesyal na pagpupugay

5 rescuers na nasawi sa Bulacan bibigyan ng espesyal na pagpupugay

 ISANG espesyal na pagpupugay para parangalan ang limang ‘bayaning tagapagligtas’ na nasawi habang nagliligtas ng …

Hinigop ng rumaragasang tubig sa kanal…
2-TAONG GULANG NA BATANG LALAKI, NAMATAY SA PAGKALUNOD

BANGKAY na nang matagpuan sa nagpuputik na palayan ang isang batang lalake matapos na mahulog …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

Leave a Reply