(ni Micka Bautista)
SUNOD-SUNOD na naaresto ang 22 katao na pawang lumabag sa batas sa loob ng isang araw na police operations sa lalawigan ng Bulacan nitong Martes, 1 Hunyo.
Batay sa ulat na ipinadala kay P/Col. Lawrence Cajipe, provincial director ng Bulacan PPO, nadakip ang siyam na drug suspect sa mga ikinasang buy bust operation ng Station Drug Enforcement Units ng Baliwag, Malolos, Meycauayan, at San Rafael police stations.
Narekober sa operasyon mula sa mga suspek ang 20 selyadong plastic sachets ng hinihinalang shabu, cellphone, coin purse, motorsiklo na may sidecar, at buy bust money.
Samantala, nasukol ang siyam kataong pinaghahanap ng batas sa iba’t ibang manhunt operations ng tracker teams ng municipal/city police stations ng Bustos, Guiguinto, Marilao, Norzagaray, San Miguel, 2nd Provincial Mobile Force Company, at San Jose Del Monte, katuwang ang Regional Intelligence Division 3, Regional Intelligence Unit 3, PHPT Bulacan, 301st MC RMFB3, at Special Action Company (SAF).
Nahaharap ang mga nadakip na suspek sa mga kasong paglabag sa Sec. 5 (b) ng RA 7610 (Child Abuse Law), paglabag sa Sec. 5 (i) ng RA 9262 (Anti-Violence against Women and Their Children), paglabag sa Art. II Sec. 11 ng RA 9165 (Dangerous Drug Act), Robbery, Frustrated Murder at Attempted Murder.
Nadakip din ang isang 14-anyos child in conflict with law (CICL) mula sa Brgy. Antipona, Bocaue, dahil sa pagnanakaw ng assorted goods na may halagang P5,000 sa Bocaue Public Market, sa Brgy. Caingin, sa naturang bayan.
Inaresto rin si John Brian Belarmino ng Fatima II, San Jose del Monte, sa paglabag sa RA 10175 (Anti-Cyber Crime) at Estafa matapos mabigong i-remit ang halagang dapat bayaran sa ipinadala sa kanyang cellphone sa pamamagitan ng rider courier.
Gayondin, nadakip ang dalawang suspek sa pagresponde ng mga awtoridad sa magkakahiwalay na insidente ng krimen sa mga bayan ng Norzagaray at Sta. Maria.
Kinilala ang mga suspek na sina Rommel Ravanilla ng Guyong, Sta. Maria na inaresto sa kasong Attempted Homicide; at Mark Anthony Tesoro ng Matictic, Norzagaray sa paglabag sa Art. 151 of RPC (Resistance and Disobedience to a Person in Authority).
Check Also
Sa ika-27 anibersaryo ng Las Piñas
102 COUPLES SABAY-SABAY NA IKINASAL
SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …
Buhain, umayuda sa HB Bills para sa PH Sports
Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …
Acuzar mapang-asar
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR
MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …
Philippine National Volleyball Federation (PNVF) Under-18 Championship 2024
MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …
MTRCB ipinagbawal pagpapalabas ng Chasing Tuna in the Ocean
SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …