Wednesday , September 28 2022

Bakuna vs CoVid-19 ‘nasindikato’ — MMC (P10k-P15k bentahan)

PINANGANGAM­BAHAN sa regular meeting ng Metro Manila Council (MMC) na napasok na ng ‘sindikato’ ang lumulu­tang na isyu sa bentahan ng slot para sa coronavirus disease  (CoVid-19) vaccine o ‘vaccine-for-a-fee scam.’

Kahapon mariing sinabi ni MMC chairman at Parañaque City Mayor Edwin Olivarez na ang bakunang supply ng national government ay hindi ipinagbibili at libre itong ituturok sa kalipikadong residente.

Binigyang linaw ng alkalde na hindi pa inaaprobahan ng Food and Drug Administration (FDA) ang marketing o pagbe­benta ng alinmang CoVid-19 vaccine kaya’t ilegal ang naga­ganap na bentahan sa pribado.

“We have received reports about some unscrupulous individuals offering CoVid-19 vaccines for sale, or assuring slots in vaccination program of cities in Metro Manila,” ani Olivarez.

Sa mga ulat na na­tang­gap, ang vaccination slots ay inaalok umano sa presyong mula P10,00 hanggang  P15,000, o depende sa brand ng bakuna.

Inaasahang dadalo sina Mandaluyong City Mayor Menchie Abalos at San Juan Mayor Francis Zamora para magbigay-linaw sa mga napaulat na ilegal na bentahan ng CoVid-19 vaccines.

Nabatid na hiniling ni Abalos sa National Bureau of Investigation (NBI) cybercrime division na magsagawa ng masusing pagsisiyasat sa nasabing usapin habang si Zamora ay nanawagan na sa mga nabiktima ng sinasabi niyang ‘scam.’

Hinikayat ni Oliva­rez  ang mga constituent na ireport sa pulisya at sa mayor’s office ang matutukoy na sangkot sa nasabing ilegal na bentahan.

“We will deal with these individuals and groups with full force of the law,” anang alkalde.

Binigyang diin ni Olivarez, ang lungsod ng Parañaque ay may mahigpit na proseso sa vaccination.  Walang hindi daraan sa pagpa­parehistro muna at ang government procured vaccines ay hindi pang komersiyo kundi para sa kasalukuyang priority slots na A1, A2 at A3 categories.

Tumugon ang lungsod sa direktiba ng Department of the Interior and Local Government (DILG) at Department of Health (DOH) na huwag nang banggitin ang brand ng gagamiting baku­na. (JAJA GARCIA)

About Jaja Garcia

Check Also

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Arrest Posas Handcuff

Sa P.6-M shabu
‘ILLEGAL DRUG DEALER’ ARESTADO SA KANKALOO

ISANG hinihinalang tulak ng ilegal na droga ang arestado matapos makuhaan ng mahigit P600,000 milyong …

shabu drug arrest

Tulak na 2 kelot at bebot tiklo sa drug buy bust

TATLONG tulak ng ipinagbabawal na droga ang arestado, kabilang ang isang babae matapos masakote sa …

NBI

Tinapyas na budget ng NBI ibalik, laban vs cybercrimes paigtingin – solon

SA LAYUNING mapaigting ang laban ng bansa kontra insidente ng cybercrimes, kumilos si Senador Win …

Leave a Reply