Friday , March 29 2024
PNP QCPD

Ginahasang miyembro ng LGBT community na ninakawan at pinatay idineklarang lutas ng QCPD

NALUTAS agad ng Quezon City Police District (QCPD) ang panggagahasa at pag­paslang sa isang miyem­bro LGBT community matapos maaresto ang tatlong suspek makalipas ang dalawang oras nang matagpuan ang biktima nitong 20 Mayo 2021 sa Brgy. Bagong Silangan, Quezon City.

Sa pulong balitaan kahapon nina PNP Chief, Gen. Guillermo Lorenzo Eleazar, at QCPD Director, PBrig. Gen. Antonio Yarra, kinilala ang tatlong suspek na sina Zander dela Cruz, alyas Dugong; Richard Elvin Delima Araza, alyas Tiago; at Joel Loyola, alyas Nonoy, pawang residente sa Barangay Bagong Silangan, QC.

Ang tatlo ay sinam­pahan ng kasong rape at robbery with homicide sa QC Prosecutor’s Office dahil sa panggagahasa, pagnanakaw, at pagpatay sa biktimang si Norriebe Tria, alyas Ebang Mayor.

Matatandaan, nitong 20 Mayo 2021, natagpuan ang bangkay ng biktima sa Brgy. Bagong Silangan na may palo ng bato sa ulo at mukha at pinasakan ng kahoy ang kanyang pagkababae na ikinamatay ng biktima.

Sa isinagawang follow-up operation ng QCPD Criminal Investigation and Detention Unit (CIDU) na pinamumunuan ni P/Maj. Mon Salve, matapos na kilalanin ng kaanak ang biktima, unang nadakip si Dela Cruz, ang kababata ng biktima, matapos malaman na isa siya sa huling nakitang kasama ng biktima bago matag­puan ang kanyang bangkay.

Nang isailalim sa imbestigasyon si Dela Cruz, hindi ito mapakali hanggang umamin sa krimen at itinuro sina Araza at Loyola, ang kanyang mga kasabwat sa krimen.

Ayon kay Monsalve, inamin ni Dela Cruz, na ang krimen ay nangyari nitong 17 Mayo 2021.

Nitong 21 Mayo 2021 ayon kay Yarra, hindi inaksaya ng tropa ng CIDU ang kanilang oras kaya inaresto sina Araza at Loyola sa kani-kanilang bahay sa Bagong Silangan.

Sa imbestigasyon, si Dela Cruz ang humampas ng bato sa ulo ng biktima nang magising matapos na sikmuraan para mawalan ng malay.

Si alyas Nonoy ang itinurong nagpasok ng kahoy sa maselang bahagi ng katawan ng biktima.

Ang huli rin ang itinurong nagtangay ng mga alahas ng biktima. (ALMAR DANGUILAN)

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *