Monday , July 15 2024

Janssen ng Johnson & Johnson mas may benepisyo kaysa ibang bakuna

MANILA — Sa pagkokon­sidera ng mga bentaha sa pagpapabakuna ng single-dose Covid-19 vaccine na gawa ng American pharmaceutical company Johnson & Johnson, idineklara ng Department of Health (DoH) na ang nasabing bakuna ay mas mayroong benepisyo para sa Filipinas dahil ang pagbibigay nito ay “operationally simple” kung ihahambing sa mga bakunang inaalok ng ibang drug makers, kabilang ang Sinovac ng China at AstraZeneca.

Sa isang pahayag, tinukoy ni health undersecretary Maria Rosario Vergeire ang mga benepisyo ng bakuna ng J&J, partikular sa aspekto na kakailanganin lamang ang isang pagturok ng bakuna para makamit ang sinasabing efficacy at immunity laban sa novel coronavirus o nCoV.

Ayon kay Vergeire, ang nabanggit na bakuna, na pinangalanang Janssen, ay hindi kakailanganing iimbak sa mababang temperatura at ang single dose treatment ay mas madali para sa pamaha­laan sundin ang planong mabakunahan ang mas malaking bilang ng mga Pinoy, partikular ang tinatawag na most vulnerable.

Inihayag din ni Vergeire na nakikipagnegosasyon na ang pamahalaan sa Johnson&Johnson para sa 10 milyong dose ngbakuna.

Samantala, inihayag ni National Task Force Against Covid-19 (NTF) chair Carlito Galvez, Jr., na mapataas ng kanilang 900,000 pang dose ng bakuna ng Pfizer mula sa global vaccine sharing scheme na COVAX ang inisyal na supply na 117,000 sa isang milyon dose.

“The COVAX agreement states that if we can have a submission for an additional 900,000 (doses) to make our Pfizer vaccines reach 1 million, so we’re doing that. We are now preparing the letter and we will submit it before Feb. 14,” punto ng self-proclaimed vaccine czar ng bansa.

Sinabi rin ni Vergeire na ang pagpapaluwag ng mga quarantine restriction ay nakabatay sa pagpapatupad ng vaccination program ng pamahalaan.

“The CoVid-19 vaccination is just an add-on factor, where to ease restrictions or not at this point in time where the vaccine will come in tranches. We will still have to see if the vaccine can block (coronavirus) transmission,” aniya.  (Kinalap ni TRACY CABRERA)

About Tracy Cabrera

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …

Leave a Reply

Your email address will not be published. Required fields are marked *