Thursday , April 18 2024

Juliana’s Gold nakatikim na ng panalo

POST analysis muna tayo sa naganap na pakarera nung Sabado sa pista ng Santa Ana Park (SAP) sa Naic, Cavite. Sa unang takbuhan ay nakasungkit na nang panalo ang laging palaban na si Juliana’s Gold na nirendahan ni apprentice rider Roque Tenorio, pumangalawa sa kanila ang sumalikwat na si Aida’s Favorite na sakay din ng isa pang apprentice rider na si JL Ramos at pumangatlo ang isa sa mga naging pilian na si Et Al ni Mark Alvarez. Sa takbuhang iyan ay hindi pa nagpakita ang iba pa nilang nakalaban na sina Princess Via, Tapped It, Flintridge, Rocking Hill at Isla De Zap na marahil ay nasa pambungad na karera nailagay o sadyang nagpapababa pa ng grupo?

Bumanderang tapos naman sa kasunod na takbuhan ang kalahok na si Yellow Ribbon ni Apoy Asuncion, pumangalawa ang dala ni JL Ramos na si Spy Glass na napansin ng mga nakapanood na karerista na tila hindi naagapan ang pagkilos  sa ibabaw sa parteng unang bahagi ng distansiya gayong napag-iiwanan na? Maliban pa riyan ay gaano rin katotoo ang naidugtong ng ilang klasmeyts natin na tila may napanood silang bidyo na ang dalawang nakasakay ay malapit sa isa’t-isa at mula lamang sa iisang kuwadra iyong mga Novato na iaaparato base sa nasa bidyo? Anyway, may posibilidad na nataon lamang iyan dahil parehong hinete sa Naic.

 Sa pangatlong karera naman ay nakasilat ang dehadong nakitaan na mainit na sa parada pa lamang na si Fruity Pebbles ni Pabs Cabalejo, kung kaya’t ibang gana at sigla ang nailabas ni kabayo at talunin ng may limang kabayong layo ang nakalaban na si Toscana ni MArk Alvarez. Sa takbuhang iyan ay tila binatak lamang ang sila Apo Ni Maria at Double Rock na parehong dapat nang manmanan sa mga susunod na pagsali nila dahil sa baba na sa grupong kinalalagyan.

Nagpakitang gilas naman ang kabayong si Cam From Behind ni Jeric Pastoral sa grupo ng 3YO & above maiden race dahil bukod sa super gandang itinakbo ay nakapagtala pa ng tiyempong 1:19.2 (07′-22′-23-26′) para sa distansiyang 1,300 meters, binigo niya ang mahigpit na kalaban na si Rodrigo ni Noel Lunar.

Halos sabay-sabay naman na lumiko ang walong kalahok sa huling kurbada sa ikalimang karera, na kung saan ay suwaktong nakalusot naman sa pagitan o kalagitnaan ang sinakyan ni Unoh Hernandez na si Noh Sen Yang Yana kaya medyo nakalamang sila sa ibang mga kalaban na umangat o pumadpad pakanan bago dumiretso sa rektahan. Tinalo nila ang mga piling paborito sa grupo na sina This Time, Kindred Soul at ang maraming salto lang na inabot na si Golden Hook.

Sa penultimate race ay siniguro na ni Reiniel Simplicio na maitawid ng primera ang kabayong si My Loving Wife matapos maagaw ng maaga ang harapan at kahit na bahagyang nabigyang laban pa sila ni Dimakya Island ni John Santiago pagpasok ng ultimo kuwartos (400 meters).

Sa Huwebes ay ibabahagi ko naman ang mga nasilip sa mga naganap na takbuhan kahapon sa SAP at sa Biyernes ang PRCI Board Of Stewards (BOS) report para sa dalawang araw na ulat ng PRCI BOS. Stay safe mga klasmeyts.       

REKTA
ni Fred Magno

About Fred Magno

Check Also

Philippine athletics TOPS PSC

Philippine athletics meet tatakbo na

Manila — Inilalagay ng Philippine Athletics Track and Field Association ang kanilang pinakamahuhusay na atleta …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …

Leave a Reply

Your email address will not be published. Required fields are marked *