Thursday , February 2 2023
PHil pinas China

Mayorya ng mga Pinoy nababahala… Chinese workers banta sa seguridad

MARAMING Pinoy ay nababahala sa paglobo ng bilang ng Chinese workers sa bansa, na ayon sa pinakahuling survey ng Social Weather Stations (SWS) — 52 percent ng respondents — ay naniniwalang banta sa pambansang seguridad ang mga nasabing dayuhan.

Sa nationwide poll na isinagawa noong 27-30 Setyembre 2019 sa 1,800 adults, lumitaw na 70 percent ng mga Pinoy ay naaalarma sa duma­raming Chinese na nag­tatrabaho sa bansa.

Nasa 31 percent ang nagsabi na labis silang nag-aalala, 39 percent ang medyo nababahala, 19 percent ang hindi ma­syado, at 11 percent ang hindi naaalarma.

Ang proportion ng mga nababahala sa dumaraming Chinese nationals na nagtatra­baho sa Filipinas ay pinakamataas sa Metro Manila sa 75 percent, sumusunod ang Visayas sa 71 percent, rest of Luzon sa 69 percent, at Mindanao sa 67 percent.

May 12 percent ng mga sumagot sa survey ang nakapuna na ma­syadong maraming Chinese workers sa kanilang lugar habang 19 percent ang nagsabing medyo marami sa kani­lang lugar.

Gayonman, 25 per­cent ang nagsabing kaunti lamang ang Chinese workers sa kanilang lugar at 44 percent ang may obserbasyon na wala.

Lumitaw sa survey ng SWS na ang Chinese workers ay “most visible” sa Metro Manila na may 43 percent, sumusunod ang Visayas sa 37 percent, balance sa Luzon sa 28 percent, at Mindanao sa 19 percent.

Nasa 27 percent ang mariing sumasang-ayon at 25 percent ang ba­hagyang sumasangayon na ang dumaraming Chinese nationals na nagtatrabaho sa Filipinas ay banta sa pangka­lahatang seguridad ng bansa.

Ang net agreement, na ang lumolobong bilang ng Chinese workers sa bansa ay isang banta sa pang­kalahatang seguridad ng bansa ay pinakamataas sa Metro Manila sa “very strong” na +38; sumu­sunod ang rest of Luzon sa “moderately strong” +27; Mindanao sa “moderately strong” +21; at Visayas sa “moderately strong” +15.

Ang pagkabahala ng mga Pinoy sa pag­dagsa ng Chinese workers sa bansa ay bukod pa sa kanilang pangamba sa posibleng pagkontrol ng China sa nag-iisang power grid ng Filipinas.

Napaulat na kayang-kaya ng China na patayin ang daloy ng elektrisidad sa bansa sa pamamagitan ng remote control na halos 40 porsiyento ang pag­mamay-ari ng State Grid Corp., ng China sa National Grid Cor­poration of the Philip­pines (NGCP).

Gayondin, nababa­hala ang mga Pinoy sa kasunduan sa pagitan ng Armed Forces of the Philippines (AFP) at ng third telecommunications player ng bansa, ang Dito Telecommunity Corp., na dating Mislatel.

Ito’y dahil isang probisyon sa kasunduan ang nagpapahintulot sa consortium na binubuo ng China Telecom at Udenna Corp., na magtayo ng system, towers at facilities sa loob ng military bases sa bansa na nagdulot ng pangamba sa posibleng pag-eespiya at iba pang security risks.

HATAW News Team

About hataw tabloid

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply