Monday , August 8 2022

Mindanao niyanig ng magnitude 6.3 lindol (5 patay, dose-dosena sugatan)

UMABOT sa lima ang iniulat na namatay matapos ang magnitude 6.3 lindol na yumanig sa lalawigan ng North Cotabato nitong Miyer­koles ng gabi, 16 Oktubre.

Kasama sa mga casualty ang isang batang babaeng natabunan ng gumuhong bahay sa bayan ng Datu Paglas sa lalawigan ng Maguindanao, habang dalawang residente ang nasaktan dahil sa mga gumuhong bahagi ng isang konkretong pader sa bayan ng Tulunan sa lalawigan ng North Cotabato.

Sa bayan ng M’lang, binawian ng buhay nang atakehin sa puso ang isang lalaking kinilalang si Tony Panangulon, pinanini­wala­ang nasa edad 40 anyos pataas.

Iniulat ng National Disaster Risk Reduction and Management Council ang dalawa pang casualty habang higit sa 20 katao ang sugatan sa bayan ng Magsaysay sa lalawigan ng Davao del Sur.

Ayon sa Magsaysay information officer na si Anthony Allada, maraming bahay ang nasira at ilan ay tuluyang gumuho.

Hindi bababa sa siyam katao ang nasaktan sa mga bayan ng Makilala at Kida­pawan.

Ayon sa NDRRMC, tina­ta­yang 15 bahay sa lala­wigan ng Davao del Sur at 14 sa rehiyon ng Soccsk­sargen ang bahagyang napinsala ng lindol.

Sa U.S. Geological Survey, ang sentro ng lindol ay naitala 8 kilometro mula sa bayan ng Colombio sa lalawigan ng Sulatan Kuda­rat, at may lalim na 14 kilo­metro.

Sinabi sa mga eksperto, ang mabababaw na lindol ay tinatayang nagdudulot ng mas maraming pinsala kaysa malalalim.

Naantala ang pagtataya sa halaga at lawak ng pinsala sa mga lalawigan nang mawalan ng elektri­sidad sa ilang lugar.

Sumiklab ang sunog sa isang shopping mall sa lungsod ng General Santos ilang sandali matapos ang lindol, ngunit hindi naman tiyak ng mga awtoridad kung ano ang pinanggalingan ng apoy.

Sinabi ni M’lang vice mayor Joselito Piñol, inilikas ang mga pasyente mula sa isang pagamutan upang matiyak ang kanilang kalig­tasan.

Dagdag ng bise alkalde, ilang gusali ang napinsala at mga poste ng koryente ang natumba dahil sa malakas na pagyanig ng lupa at maging ang salaming bintana sa kanyang tanggapan ay bumagsak at nabasag.

Nawalan ng koryente sa lungsod ng Kidapawan na itinuturing na pangunahing transport hub ng Mindanao.

Suspendido ang pasok sa mga paaralan sa mga apektadong lugar gayondin sa lungsod ng Davao upang bigyang daan ang pagsusuri sa mga gusali.

About hataw tabloid

Check Also

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …

prison

DOJ kumonsulta sa prison expert, pamamalakad ni Bantag napuna

MATAPOS tukuyin na isa sa problematic agency ang Bureau of Corrections (BuCOR) at ang kontrobersiyang …

Leave a Reply