Monday , May 20 2024

Megan, drain na drain sa pinagbibidahang serye

INTERESTING ang naging journey ng lead female star na si Megan Young sa GMA horror series na Hanggang sa Dulo Ng Buhay Ko na magtatapos na sa Sabado.

“It’s really an interesting journey actually, kasi hindi ko in-expect na ganito ka-intense.

“Kasi sanay ako sa taping na, oo hanggang umaga, taping kayo, pero here physically, emotionally, mentally-drained, the whole time,” bulalas ni Megan.

Masasabi ba ni Megan na ito ang pinaka-challenging role na ginampanan niya bilang artista?

“It’s the most challenging show, as a whole, dahil nga roon sa horror aspect na andami kasing mga shot na kukunan, minsan kahit na, ‘di ba minsan may mga crying scenes na, ‘A basta, isang take lang yan!’

“Ito, hindi. Dahil may mga horror minsan, iiyak ka tapos dadaan si Naomi sa likod mo, parang, you have to do it over and over again.

“And I’m not complaining but it’s just, I didn’t expect, ‘Oh my gosh, ganito pala rito sa horror!’

“Pero in a TV show, kasi you’re not given, you don’t have the luxury of time, so iyon, kaya iyon ang journey ko basically.

“And it’s been tough but exciting and I really enjoy doing it.”

Sa Hanggang Sa Dulo Ng Buhay Ko ay mag-asawa sina Yvie (Megan) at Matteo (Rayver Cruz) na ayaw tigilan ng obsessed na multong si Naomi, na ginagampanan  ni Kris Bernal.

Sa tunay na buhay ay hindi pa naranasan ni Megan na makakita ng multo.

“At huwag naman sana akong multuhin,” at natawa ang 2013 Miss World.

“Takot ako sa multo. Actually hindi ako nanonood ng horror.”

At very ironic na sa isang horror show siya napapanood sa telebisyon.

“Kaya nga eh, kaya nga! Pero hindi talaga ako nanoood kasi noong bata ako, puro, ‘di ba iyon ‘yung uso noon, ‘yung mga horror film, ‘yung mga ‘The Grudge,’ ‘yung ‘Chucky.’”

Napanood niya ang The Grudge.

“Tapos after niyon ayoko na.”

Hindi na niya pinanood ang mga bagong horror film tulad ng Annabelle, The Nun, It at iba pang mga nakatatakot na pelikula.

Kahit ang boyfriend niyang si Mikael Daez ay hindi mahilig sa horror films.

“Kaya okay, swak na swak kami! Hindi siya mahilig sa horror, mas action/sci-fi ‘yung gusto namin.”

Kaya sa mga eksena nila sa Hanggang Sa Dulo Ng Buhay Ko na minumulto siya ni Naomi (Kris) ay totoo ang takot niyang emosyon sa mga eksena. Nakatatakot siya! Especially ‘pag pinanood mo ‘yung playback namin.

“Like ako matatakutin ako, like kunwari ‘pag nasa hotel ako, nagta-travel akong mag-isa for work, lahat ng ilaw nakabukas, pati sa banyo, nakabukas lahat ‘yan.

“Tapos nakasara ‘yung toilet, naka-on ‘yung TV, naka-close ‘yung curtains, may ganoon akong ritual. Kasi super natatakot ako.”

Natutulog siya na bukas lahat ng ilaw sa kuwarto.

Isinasara naman niya ang cover ng toilet bowl dahil pakiramdam niya ay sasara iyon ng mag-isa!

“Ayokong maisip ng mga ganoon.

“Mabuti na lang wala akong mga ganoong experience pero matatakutin talaga ako,” sinabi pa ni Megan.

Rated R
ni Rommel Gonzales

About Rommel Gonzales

Check Also

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …

Lolit Solis

Bonggang birthday celeb ni Manay Lolit pinaghahandaan ng mga alaga

I-FLEXni Jun Nardo BONGGANG birthday celebration next week ang pinaghahandaan ng talents ni Manay Lolit Solis. …

Leave a Reply

Your email address will not be published. Required fields are marked *