Friday , March 29 2024
arrest posas

Gustong bumili ng bahay… Sekyung nangholdap ng binabantayang banko kalaboso

IMBES makabili ng bahay, naghi­himas ng malamig na rehas sa kulungan ang isang security guard na nabigong holdapin ang binabantayng banko sa lungsod ng Sta. Rosa, lalawigan ng Lagu­na, nitong Lunes ng umaga, 7 Oktubre.

Sa ulat ng pulisya, kabubu­kas ng Prestige Bank pasado 9:00 am, nang magdeklara ng holdap ang guwardiyang kinila­lang si Romeo Dimaano Jr., 34 anyos, at inutusan ang mga teller na ilagay sa kaniyang bag ang mga salapi.

Ayon kay P/Lt. Col. Eugene Orate, Sta. Rosa police chief, inakala ng mga teller na nagbibiro ang suspek ngunit napagtanto nilang seryoso si Dimaano nang tutukan sila ng baril.

Dagdag ni Orate, nalinlang ng isa sa mga teller si Dimaano nang sabihing magpunta sa mas malapit sa vault kaya nakatakas ang isang teller at nakahingi ng tulong sa labas.

Nang dumating ang mga pulis, nakita nilang nasa baldosa na si Dimaano at nadisarmahan ng mga empleyado sa banko.

Walang nasaktan sa insiden­te ngunit nakaranas ng trauma ang mga empleyado, ayon sa pulisya.

Habang nasa inquest, sinabi ni Orate na halatang ninener­bi­yos si Dimaano at nang tanungin kung bakit niya ginawang pag­nakawan ang binabantayang banko, sumagot ang suspek na kailangan niya ng pera upang makabili ng bahay ngunit siya’y nabulilyaso.

 

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *