Tuesday , June 25 2024

2 kawani ng towing company huli sa entrapment 2 pa wanted

DALAWANG kawani ng isang towing company ang dinakip, habang dalawa nilang kasamahan ang nakapuslit matapos maisahan ng kanilang bibiktimahin naglatag ng entrapment sa mga pulis, kamakalawa ng hapon sa Caloocan City.

Swak sa kulungan ang mga suspek  at kakasuhan ng robbery extortion sina JR Torres, 24 anyos, ng  Bibilat Alaiga, Nueva Ecija; at Mila Pao-Alonte, 39 anyos, biyuda, ng 22 Sampaguita St., Karuhatan, Valenzuela City; habang nakapuslit sina Alexander Almillo at Jon Norman Abrencillo.

Nabatid, dakong 3:00 pm, minamaneho ni Richard Valila, 30 anyos, ang isang puting Mitsubishi L300 (UKA-160), kasama si Vincent Hipolito Indino, 21, estudyante, nang tumirik sa Gen. Mascardo St,, malapit sa kanto ng EDSA, Brgy  140, Caloocan City, kaya itinulak ni Indino papuntang sidewalk.

Ilang sandali lamang ay duma­ting sa eksena ang Isuzu Elf  na may body number 333, at puwersahang hinila ang tumirik na L300 patungong A. Bonifacio, Quezon City.

Agad tinawagan ni Valila ang among si Jenny Cabe, 42, negosyante at ipinaalam ang pangyayari hanggang nakipagnegosasyon sa mga suspek at nakipagkasundong magbibigay ng P4,000 para ibalik ang L300 sa kanila.

Lingid sa mga kawatan ay kumontak sa  mga pulis si Cabe  at nailatag ang isang entrapment operation laban sa mga suspek na nagresulta sa pagkakadakip kina Torres at  Pao-Alonte at pagkakabawi sa P4,000  marked money.

(ROMMEL SALES)

About Rommel Sales

Check Also

Toll collection sa Cavitex suspendido nang 30 araw

IPINAHAYAG ni Pangulong Ferdinand Marcos, Jr., ang magandang balitang natanggap niya mula sa Philippine Reclamation …

Bamban mayor, 13 pa inasunto sa ilegal na POGO

NAHAHARAP sa isang asuntong kriminal  si Bamban, Tarlac Mayor Alice Guo kasama ang 13 iba …

Sa asuntong human trafficking  
MAYOR ALICE GUO KOMPIYANSA VS PARATANG  
Walang ebidensiya para tawaging kasabwat

HATAW News Team NANINDIGAN si Bamban Tarlac Mayor Alice Guo na wala siyang koneksiyon sa …

Two DOST Region 02 Women Earn Certification as CagVal RPGRPs 1

Two DOST Region 02 Women Earn Certification as CagVal RPGRPs

The Department of Science and Technology (DOST) Region 02 is proud to announce that two …

SM Fire Volunteers 1

BFP, DILG, and SM Prime empower communities through 1st fire volunteers assembly

In a demonstration of its commitment to community safety, the Bureau of Fire Protection (BFP) …

Leave a Reply

Your email address will not be published. Required fields are marked *