Sunday , June 16 2024

Comelec chair, inireklamo sa multi-milyong pisong kickback

PORMAL na ipinagha­rap ng reklamo si Com­mission on Elections (Comelec) chair Toto Abas sa Malacañang Presidential Complaint Center ng pambubulsa ng daan-daang milyong piso kapalit ng pagpabor sa tatlong malalaking kom­panya na magsisil­bing logistic provider sa darating na midterm poll sa 13 May 2019.

Sa apat na pahinang reklamo na natanggap ng Office of the President noong 30 Abril 2019, isang concerned citizen na may initials na RVG ang nagsiwalat ng umano’y sindikato sa loob ng Comelec at tahasang tinukoy bilang lider ang tagapangulo.

Sa reklamo, sinabing naibulsa umano ni Abas at ng mga director, election supervisors at election officers ang daan-daang milyong piso nang paboran ang F2 Logistics, Airfreight 2100 Inc., at LBC Express Inc., na maku­ha ang P1,335,901,373 upang magsilbing logistic pro­vider sa darating na eleksiyon sa 13 Mayo.

Ang tatlong nasabing kompanya ay nagwaging makuha ang kontrata sa halagang P718,336,029.

“Kung iisipin ay nakatipid ang gobyerno nang halos P617,565,344, pero ang katotohanan, milyon-milyong salapi ang kinita para mai­panalo at mai-award ang nasabing kontrata sa F2 Logistcs, Airfreight 2100 at LBC Express,” saad sa reklamo.

Nakasaad din sa reklamo na batid ng lahat ng commissioners at directors na personal choice ni Abas ang mga nanalong logistic pro­viders.

Gayonman, nagsa­walang kibo umano dahil nakinabang din habang ang iba naman ay natakot.

Sinabi rin sa reklamo, bilang bahagi ng naku­hang kontrata na magsi­silbing logistic provider ang mga kompanyang F2 Logistics, Airfreight 2100 at LBC Express upang maghatid ng voting counting machines (VCM) mula sa national hub patungong polling centers.

At pagkatapos ng eleksiyon, ang naturang VCMs ay dapat na kolek­tahin, ipunin at ihatid ng logistic providers mula polling centers pabalik sa regional hub o municipal hub.

Pero ang totoo uma­nong nangyayari, ang mga kawawang guro, pulis at mga sundalo ang inuutusan ng election officers imbes director, supervisors at officers na magdala, magbuhat at magbalik ng VCMs mula polling centers pabalik sa municipal hub.

Dapat aniyang mala­man ng taong bayan na ang logistic provider ang dapat na gumagawa nito dahil bahagi ito ng kontrata na binayaran sa kanila mula sa taxpayers money.

Isinasaad sa reklamo na batid din ng Comelec na hindi kakayanin ng logistic providers na sundin ang nasa kontrata kung kaya’t iniutos ni Abas sa kaniyang direc­tors, supervisors at election officers na gamitin ang mga guro, pulis, at sundalo na taga­dala ng VCMs papuntang polling centers imbes na trabaho ng logitc pro­viders.

Mismong si Abas, umano ang tagapag­tanggol ng logistic pro­viders sa kanilang kapal­pakan at ipinipilit ang ganitong uri ng maling sistema.

Pinaalalahanan sa nasabing reklamo ang mga provincial at municipal treasurers na hindi nila obligasyon at bawal maglabas ng pera ng gobyerno para gamitin ng election officers sa paghahakot at pagdadala ng VCMs papuntang polling centers.

Bawal din umanong ipagamit ng provincial at municipal local govern­ment unit, PNP at AFP ang kanilang mga sasak­yan para pagsakyan at paglagyan ng mga VCM sa paghahatid sa polling centers.

Ang ganitong Gawa­in, ayon pa sa reklamo ay bawal at maaari silang makasuhan dahil labag sa chain of custody ng VCMs gayong ang logistic provider ang dapat mag­dala sa polling centers.

Alinsunod ito sa nilagdaang kontrata sa pagitan ng Comelec at ng kompanya ng F2 Logis­ticss, Airfreight 2100 Inc., at LBC Express Inc.

About hataw tabloid

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *