Thursday , July 7 2022
HINDI magkamayaw ang mga vendor, mamimili at supporters ni dating Manila Mayor Alfredo Lim sa pag-abot sa kanya upang siya’y makamayan nang siya ay dumalaw sa Trabajo Market sa Sampaloc, at umikot sa lugar ng district 4 ng Maynila, kahapon. (BONG SON)

Super Health Centers ilulunsad ni Lim para sa mga Manileño

INIHAYAG kahapon ng nagbabalik na alkalde ng Maynila Afredo S. Lim ang plano niyag maglagay ng “Super Health Centers” sa iba’t ibang bahagi ng lungsod na ang mga ser­bisyo gaya ng mga libreng ibinibigay dati sa mga ospital na kanyang ipina­tayo ay maaari na rin makuha ng mga residente ng Maynila.

Binanggit ito ni Lim nang kanyang makada­upang-palad ang mga manininda at mamimili sa Trabajo Market sa Sam­paloc, Maynila, nang siya ay nangampanya kaha­pon.

Doon ay literal na ‘namula’ ang paligid nang manghingi ang mga vendor at mamimili ng give-away t-shirts ni Lim at agad nila itong isinuot bago sumunod kay Lim sa ginawa nitong pag-iikot sa nasabing pa­lengke upang bumati at makipagkamay.

Ayon kay Lim, ang nasabing “Super Health Centers” na balak niyang ipatayo ay bilang dagdag sa 59 barangay health centers na dati na niyang ipinatayo sa loob ng apat na terminong panunungkuan bilang alkalde.

Ang naturang new centers ay magsisilbi uma­nong ‘mini-hospitals’ na magkakaroon ng mga pasilidad gaya ng CT scan, x-ray machine at iba pang kagamitan upang pupuwe­de nang magsagawa ng minor operations.

Habang limang ospital ang ipinatayo ni Lim bilang dagdag sa noon ay nag-iisang lilbreng ospital, ang Ospital ng Maynila sa ikalimang distrito ng lung­sod, nakita umano niya na kailangan pang lalong ilapit sa mga tao ang libreng alagang medikal kung kaya’t bukod sa 59 barangay health centers at 12 lying-in centers o libreng paanakan na kanyang ipinatayo ay magkakaroon pa ng ‘Super Health Centers’ na mas maraming serbisyo.

Sa pamamagitan n ito, ang mga nangangailangan umano ng libreng medical attention ay ‘di na kakai­langanin pang gumastos ng pasahe dahil ang ilan sa mga serbisyong kailangan nila na maaari lang makuha sa city hospitals ay magiging available  na sa anumang “Super Health Center” na malapit sa kanilang tirahan.

Bilang karagdagan ay itutuloy umano ni Lim ang naumpisahang medical caravan o mobile clinic na dati ay umiikot sa “depressed areas” o mahihirap na komunidad para mag-alok ng iba’t ibang uri ng libreng ser­bisyo medikal.

Matatandan sa kan­yang unang pag-upo bilang mayor noong 1992 ay inilunsad ni Lim ang ‘womb to tomb program’ na nagbi­bigay ng mga libreng serbisyong pangka­lusu­gan mula sa oras na ang isang residente ay ipinag­bu­buntis pa lamang hang­gang sa oras na siya ay pumanaw.

Kaugnay nito ay itina­yo rin ni Lim ang tig-isang libreng ospital sa limang distrito na wala nito – Gat Andres Bonifacio Memo­rial Medical Center sa first district; Ospital ng Tondo, second district; Mother and Child General Hospital, third district;  Ospital ng  Sampaloc, fourth district at Sta. Ana Hospital, sixth district.

About hataw tabloid

Check Also

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

marijuana

Nagkakalat ng marijuana sa Bulacan
TULAK AT RUNNER NA MENOR DE EDAD, TIKLO SA DRUG STING 

NAARESTO ng mga awtoridad ang dalawang personalidad na pinaniniwalaang tulak ng marijuana kabilang ang isang …

dead gun police

Sa Jaen, Nueva Ecija
CARETAKER NIRATRAT NG RIDING-IN-TANDEM 

PATAY ang isang caretaker nang barilin ng dalawang armadong lalaking magkaangkas sa motorsiklo sa bayan …

Leave a Reply