Monday , July 4 2022

Mar Roxas todo suporta sa mga kasama (Otso Diretso, sama-sama sa Visayas)

VISAYAS — Sa gitna ng pilit na paninira, pina­tunayan ng Otso Diretso na sila ay patuloy na lumalakas nang buong puwersang dumalaw sa Cebu at Bacolod kama­kailan.

Sa pagtitipon sa Cebu noong Linggo, ipinakita ng nagbabalik na senador na si Mar Roxas na buo ang kaniyang suporta sa mga kasama sa senatorial slate.

Game na game na sumama si Roxas sa mga group photo at nakipag­kulitan sa mga kasamang kandidato — pagpapa­si­nungaling sa mga tsismis na nagsasarili na siya sa kampanya pa-Senado.

Hirit ni Roxas sa mga Cebuano, ang tanging hiling niya sa kanila sa kaniyang nalalapit na kaarawan ay ipanalo siya at ang pito pang kasama sa darating na halalan — na natataon mismo sa kaniyang birthday sa 13 Mayo.

“Puwede bang ipa-birthday n’yo na sa akin ang inyong boto?” sabi niya sa mga Cebuano, na agad namang naghiya­wan at pumayag. Saka niya idinagdag na kasama sa wish niya ang Otso Diretso, kaya “walong birthday iyan, puwedeng-puwede!”

Sa kaniyang talum­pati, sinabi rin ni Mar na marapat suportahan ang Otso Diretso para “ang gobyerno ay magiging totoong kakampi ng mga Filipino.”

“Iyan ang dahilan kung bakit isinusulong natin ang ating mga adhikain at ang Otso Diretso, para magkaroon ng mga tao na siyang susulong para sa kapa­kanan ng mga ordinar­yong Filipino,” aniya.

Naging usap-usapan ang umano’y ‘di-pagka­kasundo sa senatorial line-up ng oposisyon dahil hindi sila madalas maki­tang magkakasama.

Tinatarget ng mga ganitong usapin si Roxas, na tahimik na nag-iikot-ikot sa iba’t ibang bahagi ng Filipinas.

Matagal na itong pi­na­bulaanan ng mga kan­didato, dahil ginagawa lang ito para siraan sila.

Paliwanag ni Vice President Leni Robredo, isa sa mga pinaka-aktibong nangangam­pan­ya para sa Otso Diretso, napag-usapan na magsa­sama-sama ang walong kandidato para sa mala­la­king okasyon — ngunit kadalasan ay hiwa-hiwalay talaga silang nag-iikot para mas maraming mapuntahang lugar sa Filipinas.

Ginagawa ito ng Otso Diretso dahil sa mga pagsubok sa kampanya, gaya ng kakulangan sa pondo at campaign materials, at pagtatago ng mga lokal na opisyal na noo’y kaalyado nila.

Hindi man laging sumasama sa grupo, may mga pagkakataon na isi­na­sama ni Roxas ang ibang mga kapwa kan­didato sa mas maliliit na pagtitipon kasama ang mga tagasuporta.

Humarap ang Otso Diretso sa mga batayang sektor ng Cebu nitong Linggo, nang makiisa sila sa paglulunsad ng Ahon Laylayan Koalisyon, isang proyekto ng opisina ni Robredo.

Kasama rito ni Roxas ang mga kaalyado na sina Senator Bam Aquino, Magdalo Rep. Gary Ale­jano, dating congressman Erin Tañada, dating solicitor general Pilo Hilbay, dating ARMM assemblywoman Samira Gutoc, at ang mga beteranong abogado na sina Romy Macalintal at Chel Diokno.

Ang Ahon Laylayan Koalisyon ay naglalayong pagkaisahin ang mga batayang sektor upang palakasin ang kanilang boses at makuha ang atensiyon ng pamahalaan sa kanilang panga­ngai­langan.

Pagkatapos ng pag­bu­bukas nito sa Cebu, inilunsad rin ang proyekto sa Bacolod, na dumalo rin ang mga kasapi ng Otso Diretso — na nanga­ngakong isusulong ang kapakanan ng mga ordi­naryong Filipino kapag nanalo na sila sa Senado.

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply