Saturday , June 22 2024

Indirect contempt inihain sa korte vs Romblon ex-VM Molino

NAHAHARAP sa kasong “indirect contempt” si dating Romblon vice mayor Lyndon Molino sa Sandiganbayan kaugnay sa kanyang mga pahayag tungkol sa “fertilizer case” ni dating congressman Budoy Madrona na dinidinig sa 6th Division ng nabanggit na hukuman.

Naghain ng 12-pahi­nang petisyon sa Sandi­ganbayan nitong 15 Abril 2019 para sa “indirect contempt” ang kampo ni Madrona na may Case No. SB 19SCA0003 dahil ipinagbabawal sa ilalim ng batas ang pagsasalita at pagtalakay sa merito ng isang dinidinig na kaso alinsunod sa itinatad­hana ng “sub judice rule.”

Ang nasabing kaso ay kriminal.

Batay sa “sub judice rule,” hindi dapat pag-usapan ang merito ng kaso at hindi dapat magbigay ng un­rea­son­able comment o opinyon tungkol sa kahihinatnan ng isang pending na kaso.

Layunin ng “sub judice rule” na mai­wasang maim­plu­wen­siyahan ang hukuman na dumidinig sa kaso at mabahiran ang integridad ng korte.

Nakasaad sa rules of court na ang kasong “indirect contempt” ay may parusang multa na hanggang P30,000 at pagkabilanggo nang hang­gang anim na buwan.

Isa sa maraming pa­ha­yag ni Lyndon Molino sa Facebook page ng Romblon Community ay inihalintulad niya ang kaso ni Madrona sa kaso ng isang dating gober­nador sa Sorsogon na nais niyang palabasin na parehong kaso at dapat na pareho rin ang magi­ging resulta.

Si ex-Gov. Raul Lee ay kinasuhan ng paglabag sa Section 3 (g) ng RA 3019 samantala si ex-Cong. Madrona ay kinasuhan naman ng Sec. 3 (e) ng RA 3019.

Nabigo si Lee na magpresenta ng mga testigo o mga dokumento para sa kanilang depensa kaya napatawan ng paru­sa, samantala sa kaso ni Madrona, hindi pa tapos magpresenta ng ebiden­siya ang prosekusyon at susunod pa lang ang depensa.

Ang pagkokompara ni Molino sa dalawang kaso ay malinaw na paglabag sa “sub judice rule” sapagkat sinisikap nitong maimplu­wen­siyahan ang hatol ng hukuman.

Binigyan si Molino ng 15 araw para sagutin ang petisyon. (RB)

About hataw tabloid

Check Also

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

062124 Hataw Frontpage

Indigenous gas dev’t bedrock ng PH sa kinabukasan ng enerhiya — Prime Energy exec

TAHASANG sinabi ng isang executive officer ng Prime Energy Resources Development (Prime Energy) na hindi …

062124 Hataw Frontpage

2 medyas na puno ng dolyares nawalis sa NAIA3

HATAW News Team TINATAYANG P1.1 milyon ang halaga ng mga dolyares na nadiskubre sa dalawang …

shabu drug arrest

2 tulak huli sa Malabon, Vale buybust

DERETSO sa hoyo ang dalawang hinihinalang tulak ng ilegal na droga matapos matimbog sa magkahiwalay …

Leave a Reply

Your email address will not be published. Required fields are marked *