HATAW! D'yaryo ng Bayan hatawtabloid.com
UMABOT sa 3.6 milyong viewers ang “May Mararating” video ng 1PACMAN sa YouTube.
Sa usapang trending, makikita ang lubos na suporta ng mamamayan para sa 1PACMAN o 1 Patriotic Coalition of Marginalized Nationals sa isang YouTube video na umabot sa 3.6 milyon ang viewers.
Sa nasabing video, iginuhit ni 1PACMAN congressman Mikee Romero na may mararating ang Filipinas sa tulong ng sa isang tapat na lider.
“Pag-asa at inpirasyon ang hangarin ko para sa lahat,” ang sabi ni Congressman Romero sa video.
Dito rin niya ipinahayag ang kanyang portpolyo sa pagtulong.
Ayon sa kanyang tanggapan, nakapagbigay na siya nang mahigit 10,000 trabaho at 12,000 scholarships.
Bago pumasok sa politika si Rep. Romero ay marami na siyang kontribusyon sa ekonomiya ng Filipinas.
Noong siya ay nasa pribadong sektor, napa-moderno niya ang Manila North Harbor at ang pag-aayos ng budget travel sa ilalim ng AirAsia Philippines.
Kaya naman nang siya ay pumasok sa politika, lalo pang nagningning ang kanyang rekord sa pagtulong.
Ilang programang naitaguyod ng 1PACMAN sa pamumuno ni Romero ang 1PACMAN Scholarship Program na nakapagpaaral ng 12,000 estudyante at nakapagbigay ng 10,000 scholarship sa TESDA.
Naitatag din ng partido ang Abot-Alam Program para mabigyan ng pagkakataon ang mga out-of-school youth na muling mag-aral.
Hindi lamang sa views ng YouTube video nakikita ang masigasig na suporta sa 1PACMAN.
Nangunguna sina Senator Manny Pacquiao at Senator Lito Lapid na naglahad ng testimonya at makikitang sumasayaw sa mga video na nagpapaalala sa ating mga botante na numero 122 sa balota ang 1PACMAN.
Maraming basketbolista ang naghihikayat maisulong ang 1PACMAN tulad nina L.A. Tenorio, Scottie Thompson, at Mark Caguioa ng Barangay Ginebra San Miguel; Beau Belga ng Rain or Shine Elasto Painters; at Jayson Castro ng TNT KaTropa.
Sa volleyball naman, makikita ang kagustuhan nina Mika Reyes, Melissa Gohing, Cha Cruz, at Rachel Ann Daquis na maibalik muli ang partido sa Kongreso.
Ang boxers tulad ni Romero Duno at Reymart Gaballo ay nakapagbigay rin ng kanilang pagsuporta.
May pinanggalingang tunay ang taos-pusong suporta ng mga Filipino sa 1PACMAN.
Sa loob nang tatlong taon, nakapaghain siya ng 26 laws na nakatuon sa sports, trabaho, at edukasyon.
Isa sa kanyang mga pangunahing batas ang Universal Access to Quality Tertiary Education Act na nabibigyan ang mas maraming Filipino ng pagkakataong makapag-aral sa kolehiyo.
Ang Free Wi-Fi in Public Areas Act ay naitaguyod upang magkaroon ang mga estudyante ng libreng internet access sa lahat ng pampublikong lugar.
Ang pagtataguyod ng Philippine Sports Training Center o RA 11214. Makapagbibigay ito ng modern day training facilities para sa lahat ng mga atletang Pinoy.
Ang Universal Health Care Act o RA 11223. Lahat ng Filipino ay magiging miyembro ng Philhealth at malaking tulong para sa hospitalization at healthcare ng bawat Filipino.
Kasama rin ang Free Irrigation Services to All Farmers o RA 10969. Madadagdagan dito ang kinikita ng mga magsasaka pati na rin ang produksiyon ng agricultural crops.
Si Romero ay patuloy na kumikilos para sa bayan. Ang kanyang mga nagawa sa loob ng Kongreso at para sa mga komunidad ay patunay ng kanyang hangarin para sa isang maunlad na Filipinas.
Panoorin ang buong video dito: https://youtu.be/L9EDhdzKK9k. Tingnan din sa 1PACMAN Party List Facebook para sa mga patuloy na kaganapan sa Party List.
