Wednesday , June 19 2024
QC quezon city

Pag-usbong ng korupsiyon ikinabahala… Kabataan sa Kyusi nangamba sa mahahalal na maling kandidato

IKINABAHALA ng gru­po ng kabataan na posible umanong umusbong ang korupsiyon sa lungsod ng Quezon kung maihahalal ang maling kandidato sa pagka-alkalde na ang tanging  alam ay mag­wal­das ng pera ng bayan para lamang sa mga patay at walang matibay na programa para sa mamamayan ng lungsod.

Ito ang inihayag kahapon ng grupong Unified Youth for Social Change-Akting Kabataan Alyansa sa Pag-unlad (GUYS-AKAP) kasunod ng pahayag ni QC Rep. Bingbong Crisologo na pasisiglahin niya ang kabuhayan ng mga taga-QC.

Ayon sa grupo, maganda ang layunin ni Crisologo, ngunit duda silang maisasakatuparan ito ng kandidato dahil sa kanyang Distrito nakilala siya sa pagpapalibing ng mga patay.

Nakasagap din uma­no ng impormasyon ang grupo na may ilang may-ari ng punerarya ang umaatras sa programang libreng palibing ng mga kandidato sa lungsod dahil sa malaking komi­syon na hinihingi bagay na ikinalungkot ng GUYS-AKAP.

Naniniwala ang GUYS-AKAP, kung hindi napangasiwaan nang husto ng isang kandidato ang kanyang nasasa­kupan ay hindi siya nara­rapat na maihalal sa mas mataas na puwesto dahil wala siyang maibibigay na mahusay na serbisyo sa mamamayan.

Pinakiusapan din ng GUYS-AKAP ang mga botante sa lungsod na maging mapanuri sa mga lumalabas na balita laban sa ilang mga kandidato dahil laganap umano ang fake news.

Sa kasalukuyan anila ay biktima ng fake news si Quezon City Vice Mayor Joy Belmonte na tumatakbo ngayon bilang alkalde ng lungsod.

Nanawagan din ang grupo sa mga botante ng lungsod na tumingin sa track record ng bawat kandidato at piliin ang nararapat.

Anila, mas makabu­buting tingnan ang track record at plataporma ng mga kandidato sa lunsod na tunay na naghahangad ng pagbabago at kagin­hawaan sa pamumuhay ng mga taga-QC.

Naniniwala rin ang grupo na malamang na malagay na naman sa malaking utang ang QC oras na ipagkatiwala sa maling kandidato ang pamunuan ng QC.

Napag-alaman, si Crisologo ay kandidato ng administration party PDP Laban sa pagka-mayor ng QC pero si Serbisyo sa Bayan mayoral candidate Joy Belmonte ang itinaas ang kamay ni Pangulong Duterte dahil sa malaking kompiyansa sa galing at talino ni Belmonte bilang isang lingkod bayan ng QC.

Bukod kina Belmonte at Crisologo, tumatakbo rin bilang alkalde ng lungsod si dating QC congressman Chuck Mathay.

About hataw tabloid

Check Also

blind item

Male starlet nagbanta kung walang project goodbye produ na

ni Ed de Leon INAMIN ng isang male starlet na ginawa niya ang lahat ng ipinagawa sa …

Navotas tumanggap ng 145 bagong athletic scholars

Navotas tumanggap ng 145 bagong athletic scholars

NAG-ALOK ang pamahalaang lungsod ng Navotas ng scholarship sa 145 Navoteño elementary at high school …

TiboQC Federation Pride March QC Joy Belmonte

300 miyembro ng TiboQC lalahok sa Pride Month

MAHIGIT 300 miyembro ng TiboQC Federation ang inaasahang lalahok sa Pride March sa lungsod sa …

Lunod, Drown

Naligo sa ulan 
8-ANYOS TOTOY PATAY SA CREEK

WALA NANG BUHAY nang matagpuan ng mga rescuer ang katawan ng isang batang lalaki na …

dead gun police

Mangingisda patay sa pamamaril

PATAY ang isang mangingisda matapos pagbabarilin ng hindi pa nakikilalang salarin sa bahagi ng karagatan …

Leave a Reply

Your email address will not be published. Required fields are marked *