Monday , July 4 2022

Pamilya Duterte, Aquinos hindi magkaaway — Kris

HINDI magkaaway ang mga pamilya Duterte at Aquino.

Ito ang iginiit ng aktres at TV host na si Kris Aquino, na nagsabi na handang makipag­tulungan ang pinsan na si reelectionist Sen. Bam Aquino sa pamahalaan basta’t para sa kapaka­nan at kabutihan ng pamil­yang Filipino.

Sa panayam ng media, sinabi ni Kris na naniniwala siyang may ilang tao na gumagawa lang ng isyu para magka­roon ng hidwaan ang dalawang pamilya.

“Wala kaming mala­lim na ugat, sugat, or hindi namin sila kaa­way,” wika ni Kris, na sinabi pang marami sa kanyang mga follower sa social media ay mula sa Davao.

Nagtataka rin si Kris kung bakit ginagawan ng isyu ang pamilya Aquino sa mga Duterte, gayong wala naman silang naging anumang isyu.

“Iba lang ang may ayaw sa amin at iba raw ang gustong gumawa ng gulo,” dugtong ni Kris.

Sinabi ni Kris na mas magandang makipag­tulungan na lang sa mga programa at proyekto para sa ikabubuti ng mga Filipino.

Ayon kay Kris, patu­nay nito ang ginawang pagsusulong ng kanyang pinsan na si Sen. Bam Aquino ng ilang mahaha­lagang batas sa ilalim ng administrasyong Duterte, tulad ng batas sa libreng kolehiyo.

“He’s a team player and he knows how kasi marami siyang nakasun­do sa Senate,” sabi ni Kris.

Idinagdag ni Kris na ipinarating ng ilang kaibi­gan niya sa kasalukuyang administrasyon na ma­bilis na naipasa ang bud­get ng ilang ahensiya tulad ng Department of Social Welfare and Development (DSWD) at Department of Education (DepEd) dahil sa tulong ni Sen. Bam.

“So I see no reason why he cannot work together, especially when it’s about education, about social welfare and development,” paliwanag ni Kris.

Paninindigan ni Kris, dapat isantabi ang kulay ng politika at sama-samang isulong ang mga panukala at programa na makatutulong sa kaba­baihan, kabataan at edu­kasyon.

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply