Thursday , March 28 2024

National Land Use Act inupuan ni Cynthia Villar

ITINUTURING na isa sa mga priority measures ni Pangu­long Rodrigo Duterte ang panukalang batas kaugnay ng National Land Use Act ngunit ‘inupuan’ lang ito ni Sen. Cynthia Villar, bilang chairman ng Senate com­mittees on agriculture and food, agrarian reform, and environment and natural resources.

Ito ang sentimiyento ng ilang magsasaka sa Central Luzon at sa iba pang probin­siya kaugnay ng naging komplikadong suliranin sa agrikultura at pabahay.

Matatandaang kabi­lang ang pagpasa bilang batas sa National Land Use Act sa mga binanggit ni Duterte sa kanyang ikatlong State of the Nation Address (SONA) noong Hulyo 2018.

Isa ito sa kanyang prio­rity measures at nana­wa­gan pa sa Senado at Kama­ra na tiyakin ang pagsasa­batas nito.

Magugunitang si Sen. Miguel Zubiri ang may akda ng Senate Bill No. 1522, o National Land Use Act of 2017 o mas kilala bilang “An Act instituting a National Land Use policy, providing the implementing mecha­nisms therefore, and for other purposes.”

Layunin ng panuka­lang batas na magtayo ng isang national agency na magka­kategorya sa land resource sa apat, kabilang ang pro­tection, pro­duc­tion, settle­ments develop­ment, at infras­tructure develop­ment.

Nakabinbin ang panu­ka­la sa Kongreso sa nakalipas na dalawang dekada.

Pero sa kabila ng pagi­ging priority measure, natengga ang panukala sa komite ni Villar.

Matatandaang bina­tikos si Villar dahil sa kanyang business interest kaya hindi umusad ang priority measure ng Pangulo.

Ayon sa advocay group na Campaign for Land Use Policy Now (CLUP NOW) ginamit umano ni Villar ang kanyang chairmanship ng Senate committees on agricul­ture and food, agrarian reform, and en­viron­­ment and natural resources para paboran ang Vista Land, na pag-aari ng pamilya Villar.

Idinagdag ng CLUP Now, sangkot ang Vista Land sa conversion ng mga prime agricultural lands sa real estate projects.

Sinabi ng CLUP NOW na hinaharang umano ni Villar ang National Land Use Act.

“Bakit kaya malakas ang loob ni Villar na suwayin ang kagus­tuhan ni Duterte sa kabila na alam niyang nais ng pangulo na ito’y maisa­batas na?” pahayag ng CLUP Now.

Hindi lang sa prime agricu­ltural lands kontro­bersiyal ang Vista Land, matatandaang nabatikos din si Villar nang imbes­tigahan ang pagbaho ng Boracay na ang kanyang pamilya ay may operasyon ng negosyo sa isla.

Pag-aari rin ng Vista Land ang Boracay Sands Hotel at may bahagi rin sa Costa de la Vista na mata­tag­­puan sa loob ng island resort. Hindi ito isinapubliko ni Villar kung hindi pa nadis­kubre. Nagsagawa pa noon si Villar ng inspek­syon sa Boracay. Tinutu­lan din noon ni Villar ang pagsa­sara ng Boracay.

Tanong pa ng CLUP Now, “Kung totoong hindi ginagamit ni Villar ang kanyang posisyon, bakit hindi niya sundin ang kautu­san ni Duterte at ipasa na ang National Land Use Act?”

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *