Friday , March 29 2024

LA Santos, nilagyan ng bagong timpla ang Isang Linggong Pag-Ibig ni Imelda Papin

SI Imelda Papin pala mismo ang pumili kay LA Santos para i-revive ang kanyang classic hit song na Isang Linggong Pag-ibig. Ipinahayag ito ng tinaguriang Jukebox Queen sa ginanap na presscon/contract signing sa Papa Kim’s Tomas Morato last Tuesday, March 26.

Ayon kay Imelda, “Ang totoo, napakarami nang lumalapit para i-revive ang kanta, but I wasn’t giving in. Not until I learned that LA is doing it. Umpisa pa lang na marinig ko ang version niya, sinabi kong siya na talaga at wala nang iba pang nararapat mag-revive nito!”

Kasama nina Imelda at LA sa contract signing sina Roxy Liquigan ng Star Music, Atty. Marivic Benedictos at Jonathan Manalo.

Very thankful naman si LA kay Imelda sa ibinigay na opportunity sa kanya. “Siyempre po, sobrang thank you po na ibinigay sa akin po ang kantang ito kasi dati ko pa po siyang kinakanta noong hindi pa po kami nagkakakilala ni Tita Mel (Imelda).

“Pinaka-first time kong narinig ‘yung song sa radio po habang nagluluto lang si mommy… Parang nag-stuck lang sa isip ko at sa pagkanta ko,” nakatawang sambit ni LA.

Sa naturang presscon, ipinarinig ang version ni LA at napabilib kami dahil mula sa sentimental version ni Imelda, nabigyan ito ng kakaibang flavor ni LA. Kumbaga, naging millennial ang genre nito na bagay na bagay para sa isang lalaking singer.

Umaasa kami na eto na talaga ang hinihintay na break ni LA. Kasi’y saksi kami mismo sa talent ng guwapitong bagets, mula sa paglabas niya as guest sa mga kilalang international singers tulad ng Air Supply, The Stylistics, Halo, at Patti Austin, plus sa sarili niyang concert, hanggang sa MTV niya at paggawa ng pelikula, dedicated at talagang talented si LA.

Nang makahuntahan nga namin si LA, sinabihan namin siya na eto na ang hinihintay niyang break para magmarka sa music industry and I’m sure proud na proud ang mommy niyang si Ms. Flor Brioso Santos dahil sa galing at sa ganda ng version ni LA ng  Isang Linggong Pag-ibig.

ALAM MO NA!
ni Nonie Nicasio

 

 

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *