Saturday , July 2 2022
arrest posas

Presidente ng PWD association kalaboso sa sexual abuse

NAHAHARAP sa ka­song sexual abuse ang pangulo ng isang aso­sasyon ng persons with disability (PWD) nang ireklamo sa Parañaque Police ng apat na binatilyo na pawang Grade 8 at Grade 9 students maka­raang utusan silang bu­mili ng droga at ipina­gamit sa kanila hanggang abusuhin umano sila ng suspek sa Parañaque City, nitong Lunes.

Nakakulong sa Para­ñaque Police detention facility at nahaharap sa kasong sexual abuse ang suspek na si Nelson Bal­mores, 31, pangulo ng PWD Association ng  GK El Dorado Dulo,  Bgy. Don Bosco ng nabanggit na siyudad.

Nasa edad 15, 14, at 18-anyos ang mga bina­tilyong biktima at resi­dente sa nabanggit na barangay.

Sa report na naka­rating sa hepe ng Para­ñaque Police na si S/Supt. Jojo Rosales, naganap ang insidente noong Lunes sa GK El Dorado Dulo, Bgy. Don Bosco ng nabanggit na lungsod.

Ayon sa pahayag sa mga pulis ng mga bikti­ma, inutusan umano silang apat ng suspek na bumili ng droga at ipina­gamit sa kanila.

Pagkatapos ay pinag­laruan umano ng suspek ang kanilang ari at pinag­bantaan na sila ay papa­tayin kapag nagsumbong sa kanilang mga magu­lang. Halos ma-trauma ang mga biktima sa nang­yari  sa kanila kaya agad nilang ipinagbigay-alam sa kanilang mga magu­lang ang insidente.

Sa follow-up opera­tion ng mga kagawad ng Parañaque Police, naa­resto nila ang suspek na si Balmores.

(JAJA GARCIA)

 

About Jaja Garcia

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply