ISANG executive order ang binabalangkas ng iba’t ibang sangay ng pamahalaan para tugunan ang krisis sa supply ng tubig sa Metro Manila at mga kalapit na bayan.
Ayon kay Cabinet Secretary Karlo Alexis Nograles, layunin nito na matugunan ng pamahalaan ang problema sa supply ng tubig.
Dagdag ni Nograles bago pa man naranasan ang krisis sa supply ng tubig, may ginagawa nang hakbang ang economic cluster at cabinet assistance system para maresolba ang problema sa distribusyon ng tubig.
Bukod sa supply sa tubig, inaayos na rin ng pamahalaan kung paano tutugunan ang problema sa sewerage, sanitation, irrigation, flood management, watershed management at iba pa.
Ayon kay Nograles, sa pamamagitan ng EO, mas magiging organisado ang pagtugon ng pamahalaan sa krisis sa tubig.
(ROSE NOVENARIO)
